حکومت پنجاب کی جانب سے بغیر ماسک مویشی منڈیوں میں داخلے پر پابندی عائد کردی گئی ہے۔

اس حوالے سے ترجمان پرائمری اینڈ سکینڈری ہیلتھ کیئر، حکومت پنجاب کا کہنا ہے کہ عوام کے لئے مویشی منڈیوں میں داخلے کے لئے ماسک پہننا لازم ہے۔

مویشی منڈیوں کی انتظامیہ بیوپاریوں اور خریداروں کے لیے ماسک کا استعمال اور سینیٹائزر کی فراہمی یقینی بنائیں۔

Advertisement

محکمہ صحت پنجاب کی جانب سے بغیر ماسک مویشی منڈیوں میں داخلے پر پابندی عائد
@HamzaSS @CS_Punjab @HealthPunjabGov @PSHDept @SHCMEHealth @PunjabLivestock @lgcddpunjab pic.twitter.com/EJy8NaKxHI

— Government of Punjab (@GovtofPunjabPK) July 5, 2022

 تمام شہری عوامی مقامات، دفاتر، پبلک ٹرانسپورٹ پر ماسک پہننے کے پابند ہوں گے ۔

عوام الناس سے درخواست ہے کہ عید الاضحی کے موقع پر سماجی فاصلے اور ماسک کے استعمال کو یقینی بنائیں۔

محکمہ صحت کے مطابق 12 سال سے زائد عمر کے تمام افراد ویکسی نیشن یقینی بنائیں گے۔

اسکے علاوہ ضلعی انتظامیہ اور قانون نافذ کرنے والے ادارے نوٹیفیکیشن کا باقاعدہ اطلاق یقینی بنائیں گے۔

دوسری جانب آئی جی سندھ غلام نبی میمن کی زیر صدارت اعلیٰ سطحی اجلاس  ہوا جس میں عید الاضحیٰ کے موقع پر قیام امن کے حوالے سے پولیس اقدامات کا تفصیلی جائزہ لیا گیا ۔

اجلاس میں سیکیورٹی صورتحال کو بہتر بنانے کے حوالے سے کچھ ضروری ہدایات  بھی جاری کی گئیں۔

آئی جی سندھ نے مویشی منڈی کے مرکزی روٹس اور دیگر ملحقہ سڑکوں پر سیکیورٹی کو مزید  سخت  کرنے کی ہدایت کی  ۔