جنرل الیکشن میں قوم ان کو مسترد کرے گی، شاہ محمود قریشی نے پیشگوئی کردی

ویب ڈیسک

19th Jul, 2022. 02:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جنرل الیکشن میں قوم ان کو مسترد کرے گی، شاہ محمود قریشی نے پیشگوئی کردی

سابق وفاقی وزیر شاہ محمود قریشی نے کہا ہے کہ ضمنی انتخابات کی طرح جنرل الیکشن میں بھی قوم ان لوٹوں کو مسترد کرے گی۔

وائس چئیرمین پاکستان تحریک انصاف شاہ محمود قریشی نے سپریم کورٹ کے باہر گفتگو کرتے ہوئے کہا کہ عوام فیصلہ کرچکی ہے اور آج سپریم کورٹ ہمارا کیس سن رہی ہے جس میں پاکستان کے مستقبل کا فیصلہ ہوگا۔

انہوں نے کہا کہ اس ملک میں آئندہ آنے والے دنوں میں کس قسم کی حکومت ہوگی، وہ اس ملک کے خزانے کی رکھوالی کرے گی یا وہ جو ملک کا خون چوسے گی یا وہ منی لانڈرنگ کے ذریعے اس ملک کی دولت باہرمنتقل کرے گی؟ اس کا فیصلہ آج کے کیس کے فیصلے سے منسلک ہے۔

انہوں نے مزید کہا کہ موجودہ حکومت نے نیب قانون کاحلیہ بگاڑ دیا ہے اور نئے نیب قانون میں وائٹ کالر کرائم کو کھلی چھوٹ دی گئی ہے۔

شاہ محمود قریشی نے بتایا کہ پرویز الٰہی نے خاندانی مشکلات کے باوجود عمران خان کا ساتھ دیا ہے اور وہی ہمارے وزیراعلیٰ پنجاب کے امیدوار بھی ہیں۔

ان کا کہنا تھا کہ پرویز الٰہی پہلے بھی وزیر اعلیٰ پنجاب رہ چکے ہیں اور تجربہ کار بھی ہیں۔