بارش کے باعث چھت گرنے سے خواتین اور بچوں سمیت پانچ افراد زخمی

ویب ڈیسک

15th Jul, 2022. 02:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بارش کے باعث چھت گرنے سے خواتین اور بچوں سمیت پانچ افراد زخمی

بارش کے باعث چھت گرنے سے خواتین اور بچوں سمیت پانچ افراد زخمی ہوگئے ہیں۔

تفصیلات کے مطابق یہ افسوسناک واقعہ بہاولنگر میں قادری مل کے قریب پیش آیا، جہاں بارش کے باعث مکان کی چھت گرنے سے خواتین اور بچوں سمیت پانچ افراد ملبے تلے دب کر زخمی ہوگئے ہیں۔

ریسکیو حکام کا کہنا ہے کہ ٹیم نے کارروائی کرتے ہوئے پانچ افراد کو زخمی حالت میں ملبے سے زندہ نکال لیا ہے۔

ریسکیو حکام نے بتایا کہ تمام زخمیوں کو ڈسٹرکٹ ہیڈ کوارٹر اسپتال منتقل کردیا گیا ہے۔

واضح رہے کہ کچھ ماہ قبل ہی کراچی کے علاقے مچھر کالونی سراجی چوک بابری مسجد کے قریب بھی مکان کی چھت گرنے سے 03 خواتین جاں بحق جبکہ 2 خاتون زخمی ہوگئی تھیں۔

ریسکیو حکام کا کہنا تھا کہ جاں بحق خواتین کی شناخت 30 سالہ رشیدہ بی بی، 18 سالہ یاسمین اور 14 سالہ آمنہ کے ناموں سے ہوئی ہے۔

زخمیوں میں ڈاکٹر نور عالم کی 14 سالہ بیٹی انوری اور 22 سالہ خاتون شنواری زوجہ یونس شامل تھیں۔