قدرت کے کارخانے میں بسا اوقات جانور اپنی عام رنگت سے ہٹ کر بھی ملتے ہیں۔ ایسا ہی ایک واقعہ امریکا میں پیش آیا جب ایک لابسٹر کی دکان کو بھیجنے جانے والے تازہ بحری جانداروں میں سے شوخ زردی مائل نارنجی رنگ کا لابسٹر ملا جو نایاب ترین تھا۔ ریستوران کے عملے نے اسے مارنے اور پکانے سے بچالیا اور اب یہ نایاب جانور ایک ایکویریئم کی زینت بنا ہوا ہے۔

یہ لابسٹر شیڈر بے سے پکڑا گیا تھا اور ہالی وڈ کی ایک ریستوران تک 12 جولائی کو پہنچایا گیا تھا۔ پہلے اسے  ریڈ لابسٹر نامی ہوٹل کے مینیجر ماریو روک نے بتایا کہ ’کبھی معجزے ہوجاتے ہیں اور قابل افراد نے اسے پہچان کر بچایا ۔ اس لابسٹر کو اب اپنے نئے گھر میں رکھا گیا ہے۔

یہ لابسٹر بہت سارے سمندری جانداروں کے ساتھ ہوٹل میں لایا گیا تھا جہاں انہی پکاکر گاہکوں کو پیش کرنا تھا۔ یہاں موجود اسٹاف نے اس لابسٹر کی غیرمعمولی رنگت کی بنا پر اسے پہچان لیا اور اس کے ماہرین سے رابطہ کیا۔

ہالی وڈ کے مارٹل بیچ پر واقع ایکویریئم کے دو ماہرین فوری طور پر ہوٹل پہنچے اور شیڈر لابسٹر کو احتیاط سے ایک نظام میں منتقل کیا اور اسے بہت احتیاط کے ساتھ ایک ایکویریئم اور سمندری جانوروں پر تحقیق کے مرکز تک لایا گیا۔ پیلے نارنجی  لابسٹربہت ہی نایاب ہوتے ہیں یہاں تک کہ کہ نیلے لابسٹر کے مقابلے میں بھی یہ کم کم ہی ملتے ہیں۔ یعنی تین کروڑ لابسٹر میں سے کوئی ایک ہی نارنجی رنگ میں دکھائی دیتا ہے۔

اس موقع پر رپلے آبی حیات کے مرکز نے ریڈ لابسٹر ریستوران انتظامیہ کا شکریہ ادا کیا ہے کیونکہ ان کی کوششوں سے ایک نایاب ترین لابسٹر کو بچایا گیا ہے۔

بصورت دیگر اس قسم کے لابسٹر بھورے اور گہری رنگت رکھتے ہیں۔ دوسری اہم بات یہ تھی کہ یہ لابسٹر اس وقت تک بھی زندہ تھا۔ عام حالات میں اتنا سفر طے کرنے کے بعد یا تو لابسٹر مرجاتے ہیں یا ادھ موئے ہوجاتے ہیں۔ تاہم اب ماہرین اس پر مزید تحقیق کررہے ہیں۔