صحت زندگی کی سب سے بڑی نعمت ہے اور اسے برقرار رکھنے کے لئے متوازن غذا کا ہونا نہایت ضروری ہے اگر جسم میں کسی ایک وٹامن یا معدنیات کی کمی ہو جائے یہ اپنے افعال بہتر انداز میں انجام نہیں سکتا ہے جیسے کہ آئرن۔

آئرن جسم میں ہیموگلوبین کی پیدار بڑھانے میں کلیدی کردار ادا کرتا ہے یہ ایک قسم کا پروٹین ہے جو خون کے سرخ خلیوں کو جسم کے مختلف حصوں تک آکسیجن پہنچانے میں مدد فراہم کرتا ہے۔ ماہرین کا کہنا ہے کہ اوسطاً ایک مرد کو دن بھر میں آٹھ ملی گرام جبکہ خواتین کے لئے اٹھارہ ملی گرام آئرن کی ضرورت ہوتی ہے۔

 دنیا بھر کی طرح پاکستان میں بھی لوگوں کی بڑی تعداد آئرن کی کمی کاشکار ہے اور اس کمی کو دور کرنے کے لئے مختلف سپلیمینٹ کا استعمال کرتی ہیں لیکن ان سپلیمینٹ کے بجائے آئرن سے بھرپور غذا کا استعمال نہ صرف اس کمی کو پورا کرتا ہے بلکہ اس میں موجود دیگر صحت بخش اجزاء آپ کی مجموعی صحت پر مثبت اثر ڈالتے ہیں۔

یہاں پر ایسی چند غذاؤں کا ذکر کیا جارہا ہے جو آئرن سے بھرپورہونے پر اس کمی کو دور کرنے میں معاون ثابت ہوگی۔

پالک

پالک آئرن کے حصول کا سب سے مؤثر ذریعہ ہے صرف ایک کپ پکے ہوئے پالک میں 6.4 ملی گرام آئرن جبکہ 40 کیلوریز ہوتی ہے۔ کوشش کریں پالک کی کچھ مقدار ہر روز کھانے میں شامل رکھیں۔

سفید لوبیا

سفید لوبیا بھی اس فہرست میں کسی سے کم نہیں آدھا کپ لوبیا میں 3 ملی گرام آئرن، 500 ملی گرام پوٹاشیم اور 6 ملی گرام فائبر موجود ہوتا ہے صرف یہی نہیں اس میں کیلشیم، اینٹی آکسیڈینٹ، وٹامن بی اور بہت سارے پروٹین بھی وافر مقدار میں  موجود ہوتے ہیں۔

تل

یہ ننھے منھے بیج غذائیت سے بھرپور ہوتے ہیں ایک چوتھائی کپ تل 5.2 ملی گرام آئرن کے برابر ہوتے ہیں جبکہ چکنائی 17 ملی گرام ہوتی ہے انہیں مختلف انداز میں کھانوں میں شامل کیا جاسکتا ہے تاہم چکنائی زیادہ ہونے کے سبب ان کے استعمال میں احتیاط سے کام لینا چاہئے۔

بیف لیور

اگر آپ آئرن کے حصول کے لئے  سبزیوں کے علاوہ دوسرے ذرائع تلاش کر رہے ہیں تو گائے کا جگر اس کا بہترین متبادل ہوسکتا ہے۔ اس کے ایک ٹکڑے میں 4 ملی گرام آئرن جبکہ دیگرغذائی اجزاء کافی مقدار میں موجو دہوتے ہیں۔