ملک میں دو پاکستان چل رہے ہیں جس کا خمیازہ قوم بھگت رہی ہے، ناصر حسین

ویب ڈیسک

23rd Jul, 2022. 02:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک میں دو پاکستان چل رہے ہیں جس کا خمیازہ قوم بھگت رہی ہے، ناصر حسین

وزیربلدیات سید حسین ناصر شاہ نے کہا ہے کہ ملک میں دو پاکستان چل رہے ہیں جس کا خمیازہ قوم بھگت رہی ہے۔

اپنے جاری کردہ بیان میں وزیربلدیات سید حسین ناصر شاہ نے کہا کہ شیخ رشید نے ساری زندگی ضمیر فروشی کی سیاست کی لیکن پھر بھی الزام زرداری صاحب پر ۔

ناصر حسین شاہ کا کہنا تھا کہ اگر چودھری شجاعت عمران کا ساتھ دیں تو باضمیر اور اگر زرداری صاحب کا ساتھ دیں تو غلط، اپوزیشن جماعتوں کے سینیٹ چیئرمین کے انتخاب میں ووٹ مسترد قرار دئیے جائیں تو ٹھیک اگر پرویز الہٰی کے رجیکٹ ہوں تو غلط۔

انہوں نے کہا کہ عمران خان کی مرضی کے برعکس 20 ایم پی ایز اگر وزیراعلیٰ پنجاب کوووٹ دیں تو غلط اور نااہل جبکہ اگر شجاعت کی مرضی کے خلاف پنجاب کے وزیراعلیٰ کے لیے ووٹ دیں تو صحیح ۔

ناصر شاہ نے کہا کہ اس صحیح اور غلط کے بیچ میں کچھ غلط ہو رہا ہے جس کو قوم نے سمجھنا ہے۔

انہوں نے مزید کہا کہ اس طرح اس ملک میں دو پاکستان چل رہے ہیں، جس کا خمیازہ یہ قوم معاشی بدحالی اور غیر یقینی کی صورت میں بھگت رہی ہے۔