ایف آئی اے کی جانب سے معروف گلوکار سلمان احمد کو نوٹس بھیجا گیا ہے۔

تفصیلات کے مطابق ایف آئی اے کی جانب سے معروف گلوکار سلمان احمد کو نوٹس ان  کے حالیہ گانے کے بول پر بھیجا گیا۔

ایف آئی اے ذرائع کا کہنا ہے کہ سلمان احمد کے گانے میں اداروں اور قومی وقار  سے متنفر کرنے والے الفاظ شامل ہیں  ، گلوکار سلمان احمد ایف آئی اے کے نوٹس ملنے کی تصدیق کر چکے ہیں۔

دوسری جانب گلوکار سلمان احمد نے ایف آئی اے کی جانب سے نوٹس دیئے جانے پر رد عمل دیتے ہوئے ایف آئی اے سائبر کرائم کی جانب سے نوٹس بھیجنے کی تصدیق کردی-

گلوکار سلمان احمد کا کہنا تھا کہ نوٹس لاہور ڈی ایچ اے  کی رہائش گاہ پر بھیجا گیا ہے، میری زبان بندی کروانے کی کوشش کہ جارہی ہے، اور میرے اہل خانہ کو جان سے مارنے کی دھمکیاں دی جارہی ہیں۔

سلمان احمد نے مزید کہا کہ میرے ساتھ یہ سب کچھ وزیر داخلہ رانا ثناءاللہ کے کہنے پر کیا جارہا ہے، جو بھی ہو حق کا ساتھ دینے سے نہیں گھبراؤں گا۔

بریکنگ نیوز : ایف آئی اے کی ہراسگی کےلئے صحافی کیا کم تھے کہ ”دل دل پاکستان“ جیسے شہرہ آفاق ترانے کے خالق سلمان احمد جیسے آرٹسٹ کو سائبر کرائم وِنگ نے نوٹس بھیج دیا ہے – یہ قانون نہیں کالا قانون ہے, یہ آزادی نہیں غلامی ہے ٫ یہ جبر ہے ٫ یہ بربریت ہے ٫ یہ قانون کا خون ہے@sufisal pic.twitter.com/U0OSwaeSRj

— Jameel Farooqui (@FarooquiJameel) July 15, 2022

ادھر بول نیوز کے صحافی جمیل فاروقی نے سلمان احمد کے حق میں ٹوئٹ کرتے ہوئے لکھا ’’ ایف آئی اے کی ہراسگی کے لئے صحافی کیا کم تھے کہ ”دل دل پاکستان“ جیسے شہرہ آفاق ترانے کے خالق سلمان احمد جیسے آرٹسٹ کو سائبر کرائم وِنگ نے نوٹس بھیج دیا ہے-

انہوں نے مزید لکھا کہ ’’ یہ قانون نہیں کالا قانون ہے اور یہ آزادی نہیں غلامی ہے  ، یہ جبر ہے ٫ یہ بربریت ہے اور یہ قانون کا خون ہے۔