ترجمان وزارت خزانہ مزمل اسلم کا کہنا ہے کہ پاکستان دیوالیہ کے قریب ہے۔

تفصیلات کے مطابق ترجمان وزارت خزانہ مزمل اسلم نے ٹوئٹر پر جاری ایک پیغام میں کہا ہے کہ آج کا دن جلد از جلد ختم ہو اب مزید نہیں ہمت برداشت کرنے کی، پاکستانی بانڈز عالمی مارکیٹ میں چیخ چیخ کر یہ بتا رہے ہیں کہ پاکستان دیوالیہ کے قریب ہے۔

انہوں نے کہا کہ امپورٹڈ حکومت نے روپے کی نیلامی کرادی دو دنوں میں 15 روپے فی ڈالر نکل گئے۔

امپورٹڈ حکومت نے روپے کی نیلامی کرادی دو دنوں میں 15 روپے فی ڈالر نکل گئے۰

Advertisement

— Muzzammil Aslam (@MuzzammilAslam3) July 19, 2022

 انٹر بینک میں ڈالر 225 روپے 12 پیسے کا ہوگیا

روپے کے مقابلے امریکی ڈالر کی قدر میں ہفتے کے دوسرے روز بھی مسلسل چڑھاؤ جاری ہے۔

انٹر بینک مارکیٹ میں ڈالر 9 روپے 92 پیسے مہنگا ہوا جس کے بعد انٹر بینک میں ڈالر 215 روپے 20 پیسے سے بڑھ کر 223 روپے 21 پیسے پر ٹریڈ کررہا ہے۔

انٹر بینک کی طرح اوپن مارکیٹ میں بھی ڈالر کی قدر 8 سے 9  روپے اضافے کے بعد  224 سے 225  روپے کے درمیان فروخت ہورہا ہے۔

گزشتہ روز انٹر بینک مارکیٹ میں ڈالر 5 روپے 15 پیسے مہنگا ہو کر 215 روپے 20 پیسے کی بلند سطح پر بند ہوا تھا۔

واضح رہے کہ اس سے قبل جون میں امریکی ڈالر 211 روپے 48 پیسے کی سطح پر پہنچا تھا، جبکہ شہباز حکومت کے آنے کے بعد سے اب تک ڈالر 18 فیصد اضافے سے 37 روپے سے زائد  مہنگا ہوا ہے۔

اسٹاک ماہرین اور فاریکس ڈیلزر کے مطابق پنجاب میں ضمنی انتخابات کے نتائج کے بعد ملک میں غیر یقینی صورتحال پیدا ہوگئی ہے جس کی وجہ سے سرمایہ کار مارکیٹ سے سرمایہ نکالنے کو ترجیح دے رہے ہیں جبکہ روپے کی قدر بھی مسلمل کم ہورہی ہے۔

چئیرمین فاریکس ایسوسی ایشن ملک بوستان کا کہنا تھا کہ ملک میں سیاسی حالات کو جواز بنا کر بینک ڈالر کی قیمت میں سٹہ بازی کررہے ہیں جس کا اسٹیٹ بینک کو نوٹس لینا چاہیے۔

دوسری جانب آئی ایم ایف سے قرض پروگرام پر بورڈ منظوری میں بھی دو تین ہفتوں کی تاخیر کی اطلاعات ہیں جس کا بھی منفی اثر دیکھا جارہا ہے۔