پاکستان تحریک انصاف کے رہنما شفقت محمود نے کہا ہے کہ ہمارے ووٹرز کے ووٹ تبدیل کیے جارہے ہیں۔

میڈیا سے بات چیت کرتے ہوئے پاکستان تحریک انصاف کے رہنما شفقت محمود  نے کہا کہ جمشید اقبال چیمہ کو گرفتار کرنے کا پروگرام بنایا جارہا ہے، ان کی گرفتاری کی اطلاع کی مذمت کرتے ہیں۔

انہوں نے کہا کہ ہمارے کونسلر کو قربان لائن سے گرفتار کیا گیا ہے جبکہ ہمارے ووٹرز کے ووٹ تبدیل کیے جارہے ہیں۔

شفقت محمود کا کہنا تھا کہ فرخ حبیب کا شناختی کارڈ والے معاملے سے کوئی تعلق نہیں، ان کی کوشش ہے کہ ہنگامہ کیا جائے ، جو کریں گے قانون کے مطابق کریں گے۔

واضح رہے کہ پنجاب کے 20 حلقوں میں پولنگ کا آغاز ہو گیا ہے جبکہ  ووٹنگ شام 5 بجے تک جاری رہے گی۔

صوبے کے 14 اضلاع کے ضمنی انتخابات میں 175 امیدوار آمنے سامنے ہیں۔

رجسٹرڈ ووٹرز کی تعداد

20 حلقوں میں رجسٹرڈ ووٹرز کی مجموعی تعداد 45 لاکھ 79 ہزار 898 ہے جن کیلئے 3 ہزار 131 پولنگ اسٹیشنز قائم کیے گئے ہیں۔

انتخابی حلقے