چیونٹی عام طور پر انسانی کھانا کھاتی ہے جیسے کوئی بھی میٹھی چیز جیسے چینی، چاکلیٹ، شہد، پھل یا کینڈی وغیرہ ۔

چیونٹی بہت طاقتور کیڑے مکوڑوں میں سے ایک ہے، یہ ایک وقت میں اپنے جسمانی وزن سے 20 گنا زیادہ وزن اُٹھاسکتی ہے، اسی وجہ سے اس کیڑے کو طاقتور کہا جاتا ہے۔

چیونٹی کے کان نہیں ہوتے ، وہ اپنے ساتھیوں کی پیروں کی آہٹ سے اُنہیں محسوس کرتی ہے اور اس کے ساتھ ہی ان کے سر پر موجود اینٹیناز بھی اس کام میں اُن کی بہت مددکرتے ہیں۔

چیونٹیوں کے پھیپھڑے نہیں ہوتے، ان کے جسم میں آکسیجن چھوٹے سوراخوں کے ذریعے داخل ہوتی ہے جبکہ پیڑ پودوں سے ملنے والی کاربن ڈائی آکسائیڈ ایک ہی سوراخ کے ذریعے ان کے جسم میں داخل ہوتی ہے۔

چیونٹی کی زندگی کی بات کریں تو ان میں سے کچھ چیونٹی کئی سال زندہ رہ سکتی ہیں اوراُن کے لاکھوں بچےبھی ہوتے ہیں، طویل عرصے تک زندہ رہنے والی چیونٹی کو ’ملکہ‘ کا درجہ دیا جاتا ہے۔

لیکن یہاں قابل ذکر بات یہ ہے کہ چیونٹی کے دو معدے ہوتے ہیں، ایک معدے میں وہ اپنے لیے کھانا رکھتی ہے جبکہ دوسرے میں وہ اپنے ساتھیوں کے لیے کھانا رکھتی ہے۔

ایک مطالعے سے یہ بھی معلوم ہوا ہے کہ چیونٹیاں کیڑے مکوڑوں میں سب سے قدیم ہیں، ان کا تعلق ڈائناسورز کے زمانے سے ہے، اسی لیے انہیں قدیم کیڑے کہا جاتا ہے۔