دلی خواہش ہے کہ اپنی زندگی میں بلاول کو ملک کا وزیراعظم بناؤں، آصف زرداری

ویب ڈیسک

12th Jul, 2022. 08:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

دلی خواہش ہے کہ اپنی زندگی میں بلاول کو ملک کا وزیراعظم بناؤں، آصف زرداری
پاکستان غزہ جنگ بندی معاہدے پر عمل درآمد کیلئے واضح موقف پیش کرے گا، دفترخارجہ
مشرف علی زیدی عالمی میڈیا کےلئے ترجمان وزیراعظم مقرر، عطا اللہ تارڑ کی تصدیق ، نو ٹیفکیشن جاری
پنجاب اسمبلی کا 34 واں اجلاس کل شروع ہوگا، اہم بلز اور حکومتی امور پر بحث متوقع

Now Reading:

دلی خواہش ہے کہ اپنی زندگی میں بلاول کو ملک کا وزیراعظم بناؤں، آصف زرداری

آصف زرداری نے کہا ہے کہ میری دلی خواہش ہے کہ اپنی زندگی میں ہی بلاول بھٹو کو ملک کا وزیر اعظم بناؤں۔

تفصیلات کے مطابق صدر پی پی پی پی آصف علی زرداری کی جانب سے تحصیل دوڑ اور سٹی نواب شاہ میں بلدیاتی انتخابات کے پہلے مرحلے میں کامیاب ہونے والے عوامی نمائندگان کے اعزاز میں اعشائیے کی تقریب منعقد کی گئی۔

آصف زرداری نے کہا کہ چند ہفتے سندھ کے دیگر علاقوں میں دوروں کے بعد میں پنجاب جارہا ہوں۔ اپنے دور صدارت میں تمام پاورز وزیراعظم کو منتقل کردئیے تھے، پاورز کے بدلے میں نے 18ویں ترمیم لے لی تھی۔

سابق صدر کا کہنا تھا کہ 18 ویں ترمیم صوبوں کو مضبوط کرتی ہے، میرا آج بھی اسلام آباد سے جھگڑا ہے وہ کہتے ہیں تم نے کمزور کیا میں کہتا ہوں مضبوط کیا۔

ان کا یہ بھی کہنا تھا کہ ایک دن کا قصہ نہیں ہے ہمارا مذہب ہی پیپلز پارٹی ہے، ہم قبر میں بھی اترتے ہیں تو ہمارے کفن پر پیپلزپارٹی کا جھنڈا ہوتاہے۔

آصف زرداری نے کہا کہ جب سے بلاول وزیر خارجہ بنا ہےدوستوں کے فون آئے ہیں کہ بلاول اچھی منسٹری چلا رہا ہے، میری دلی خواہش ہے کہ اپنی زندگی میں ہی بلاول بھٹوکو ملک کا وزیر اعظم بناؤں۔

سابق صدر آصف زرداری نے مزید کہا کہ اب مجھے پنجاب میں پیپلز پارٹی کو ٹھیک کرنا ہے، میں اب لاہور میں بیٹھ کر پارٹی کو دیکھوں گا۔