ترجمان وزارت خزانہ مزمل اسلم نے کہا ہے کہ اب عوام بھول جائیں کہ ڈالر225روپے سے نیچے جائے گا۔

تفصیلات کے مطابق ترجمان وزارت خزانہ مزمل اسلم نے پریس کانفرنس کرتے ہوئے کہا کہ 15 روز میں برآمدات کا بیڑا غرق ہوگیا، اب عوام بھول جائیں کہ ڈالر225روپے سے نیچے جائے گا۔

انہوں نے کہا کہ درآمدات کا بحران ختم ہو گیا تو بینک میں ڈالر کیوں نہیں؟ ایک لاکھ کی ایل سی کیلئے 8 دن انتظار کرنے کا کہا جا رہا ہے، بانڈ مارکیٹ ختم ہو چکی، اب حل صرف آئی ایم ایف کا راستہ ہے۔

دوسری جانب سابق وزیر خزانہ شوکت ترین نے میڈیا سے گفتگو کرتے ہوئے کہا ہے کہ موجودہ حکومت نے دوست ممالک سے ڈالر لینے کا دعویٰ کیا، مفتاح اسماعیل نے دوست ممالک کی پیشکش کے بارے میں ذکر کیا۔

انہوں نے کہا کہ آئی ایم ایف سے معاہدے کے بعد روپیہ مستحکم ہوجاتا تھا، انہوں نے کہا کہ آئی ایم ایف سے ڈیل ہوگئی، یہ تمام تر معاشی حالات صرف سیاسی عدم استحکام کی وجہ سے ہیں۔

شوکت ترین نے کہا ہے کہ یہ سب کو بیوقوف بناسکتے ہیں مگر مارکیٹ کو نہیں، مفتاح اسماعیل نے 17 بلین کے کرنٹ اکاؤنٹ خسارے کا کہا جبکہ ن لیگ نے 20 بلین کا کرنٹ اکاؤنٹ خسارہ چھوڑا، مفتاح اسماعیل بتائیں 17 بلین بڑا ہے یا 19 بلین؟