سابق وزیر داخلہ شیخ رشید نے کہا ہے کہ آج دنیا کا سب سے مہنگا ملک پاکستان ہے۔

تفصیلات کے مطابق سابق وزیر داخلہ شیخ رشید نے جلسے سے خطاب کرتے ہوئے کہا ہے کہ عمران خان کیساتھ کھڑا ہونا اس ملک سے وفا داری ہے، ہم سب خان صاحب کیساتھ ہیں۔

انہوں نے کہا کہ اس ملک میں تین بڑے ڈاکو چور ہیں، ایک کا نام نواز، ایک کا نام شہباز، ایک کا نام فضل الرحمان اور ایک آصف زرداری ہے، ن لیگ کی سیاست کہاں گئی؟

شیخ رشید نے کہا ہے کہ تم تو ووٹ کو عزت کا کہتے تھے، تم نے تو لوٹے کو عزت دی ہے، عمران خان ہندوستان سے تجارت نہیں کر رہا ہے، وہ اسرائیل سے دوستی نہیں کررہا تھا۔

 سابق وزیر داخلہ نے کہا کہ ڈیزل بیمار ہے، اسے چھوڑ دے، جہاں جاؤ وہاں ڈیزل ہی ڈیزل ہے، کہوٹہ کے غازیوں کبھی غداروں کو ووٹ نہ دینا، جس پر فرد جرم لگنی تھی اس وزیراعظم اور وزیر اعلیٰ بنا دیا۔

انہوں نے کہا کہ ایک نے اپنے بیٹے کو وزیراعلیٰ بنا دیا، ککڑی کو دفع کرو وہ عید کے بعد ذبح ہو جائے گی، ہماری لڑائی لندن فلیٹ اور امریکی پلان بنانے والوں سے ہے، 17 جولائی پاکستان کی سیاسی زندگی اور موت کی تاریخ ہے۔

شیخ رشید نے کہا ہے کہ 17 جولائی کو چوروں کیساتھ مقابلہ ہے، امپورٹڈ حکومت نے پیٹرول ، بجلی، گیس کی قیمتیں بڑھا دی ہیں، چیلنج کرتا ہو آج دنیا کا سب سے مہنگا ملک پاکستان ہے۔

سابق وزیر داخلہ نے کہا کہ تمام جماعت کو کہتا ہوں، ان پارٹیوں کا ساتھ چھوڑ دو ورنہ تمہارے گریبانوں پر ہاتھ ہوگا۔