سابق وفاقی وزیر شیخ رشید نے کہا ہے کہ ملک کے حالات ٹھیک کرنا کسی ایک کی نہیں بلکہ سب کی ذمہ داری ہے۔

سماجی رابطے کی ویب سائٹ پر اپنے ایک پیغام میں سابق وزیر داخلہ نے ملک کے موجودہ حالات پر بات کی ہے۔

سیاسی عدم استحکام معاشی قیامت کو جنم دے رہا ہے۔ 226کے ڈالر کے ہونے کے باوجود،IMF کے ساتھ ابھی بھی بیل آؤٹ معاہدہ طے نہیں پایا۔اکتوبر نومبر میں عام انتخابات کے علاوہ کوئی حل نہیں۔پھر کوئی بھی حکومت نہیں کر پائے گا۔اوورسیز ووٹوں کے لیے ابھی سپریم کورٹ جارہا ہوں،شام کو لاہور جاؤں گا

— Sheikh Rashid Ahmed (@ShkhRasheed) July 20, 2022

شیخ رشید نے اپنے پیغام میں کہا کہ پاکستان کے موجودہ حالات سے اندازہ لگایا جاسکتا ہے کہ ملک سری لنکا کے حالات کی طرف جارہا ہے جسے ٹھیک کرنا صرف ایک کی نہیں بلکہ ہر ایک کی ذمہ داری ہے۔

انہوں نے کہا کہ موجودہ حکومت کو آئی ایم ایف سے معاہدے کے بعد بھی کچھ حاصل نہیں ہوا ہے  جبکہ ڈالر بھی 226 کی سطح پر پہنچ گیا ہے۔

انہوں نے مزید کہا کہ پاکستان میں جہاں سیاسی خرید و فروحت ہوتی ہے وہاں آصف علی زرداری ہوتے ہیں لیکن اب بات حکومت کے ہاتھوں سے نکل کر عوام کے ہاتھوں میں آگئی ہے اس لئے بہتر ہوگا کہ عام انتخابات کی طرف جایا جائے کیونکہ اگر بات ہاتھ سے نکل گئی تو کوئی حکومت نہیں کر پائے گا۔

دوسری جانب سپریم کورٹ کے باہر میڈیا سے گفتگو  کرتے ہوئے ان کا کہنا تھا کہ آصف زرداری خریدوفروخت کی منڈی لگاتا ہے ۔

pic.twitter.com/hhVG2DmP6w

— Sheikh Rashid Ahmed (@ShkhRasheed) July 20, 2022

شیخ رشید نے کہا کہ اوورسیز پاکستانیوں کا ووٹ بنیادی ہے اور موجودہ حکومت اس معاملے پر تاخیری حربے استعمال کررہی  لیکن ہم انہیں ووٹ کا حق دلانے آئے ہیں۔