اس وقت سیاسی جماعتوں کے درمیان مذاکرات کی ضرورت ہے، رضا ربانی

ویب ڈیسک

29th Jul, 2022. 06:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اس وقت سیاسی جماعتوں کے درمیان مذاکرات کی ضرورت ہے، رضا ربانی

سابق چیئرمین سینیٹ میاں رضا ربانی نے کہا ہے کہ اس وقت سیاسی جماعتوں کے درمیان مذاکرات کی ضرورت ہے۔

تفصیلات کے مطابق سابق چیئرمین سینیٹ میاں رضا ربانی نے اپنے بیان میں کہا ہے کہ وفاق کو مرہم کی ضرورت ہے، آئین کے تحت قائم اداروں میں تنازع چل رہا ہے۔

انہوں نے کہا کہ سیاسی جماعتوں کے مابین جمہوری اصولوں کے منافی اختلافات اور حکمران اشرافیہ کی جانب سے نرم مداخلت کی بات ہو رہی ہے جس کے باعث ملک میں سیاسی، معاشی اور انتظامی عدم استحکام پیدا ہو گیا ہے۔

میاں رضا ربانی نے کہا کہ ریاست اور عوام عدم استحکام کا بوجھ زیادہ عرصے تک برداشت نہیں کر سکتے، یہ معیشت کو کھا رہا ہے، گاڑی کی صنعت جیسے بڑے کاروبار اپنی پیداور کم کر رہے ہیں، ایسے میں تو چھوٹے کاروبار بند ہو جائیں گے۔

سابق چیئرمین سینیٹ نے کہا کہ عام آدمی اور محنت کش طبقے کے لیے تو دو وقت کا کھانا ہی پر تعیش ہے، وفاق اور عوام کو سانس لینے دیں، اس وقت سیاسی جماعتوں کے درمیان مذاکرات کی ضرورت ہے۔

انہوں نے کہا کہ آئین کے تحت کام کرنے والے اداروں کے مابین بھی مذاکرات کی ضرورت ہے، یہ دونوں مذاکرات پارلیمنٹ کرائے۔