صدر پاکستان ڈاکٹر عارف علوی نے کہا ہے کہ  قربانی کا جذبہ ایک عالمگیر اہمیت رکھتا ہے جس کے بغیر کوئی قوم ترقی نہیں کر سکتی۔

عیدالاضحیٰ کے موقع پر قوم کے نام اپنے پیغام میں صدر مملکت نے کہا کہ ملک کو معاشی چیلنجز کا سامنا ہے، قربانی کے جذبے کو بروئے کار لانے کی اشد ضرورت ہے۔

Message from President Dr. Arif Alvi on the occasion of Eid-ul-Azha 1443 A.H

Advertisement

I would like to felicitate the entire Pakistani nation and the Islamic world on the auspicious and joyous occasion of Eid-ul-Azha. I pray to Allah Almighty to accept the Ibadah, Hajj and sacrifices of pic.twitter.com/B3HgZ8VYSe

— The President of Pakistan (@PresOfPakistan) July 10, 2022

انہوں نے ایک مضبوط قوم کے طور پر ابھرنے کے لیے غریبوں کے لیے بھائی چارے، بے لوثی اور ہمدردی کا اعادہ کیا۔

انہوں نے کہا کہ اللہ تعالیٰ سے دعا ہے کہ وہ پاکستانی قوم اور امت مسلمہ کی عبادات، حج اور قربانیوں کو قبول فرمائے۔

ڈاکٹر عارف علوی نے کہا کہ قربانی کا عمل مومن کے اس عزم کی عکاسی کرتا ہے کہ وہ اللہ تعالیٰ کے نام پر سب سے بڑی قربانی کے لیے ہر وقت تیار رہتا ہے۔

قربانی محض جانوروں کو ذبح کرنے کا عمل نہیں ہے بلکہ اس کا اصل مقصد کسی اعلیٰ مقصد کے حصول کے لیے ذاتی خواہشات کو قربان کرنا ہے۔ قربانی کا یہ جذبہ انسانوں کو ایسی صلاحیت عطا کرتا ہے کہ وہ انتہائی مشکل حالات کے باوجود راہ راست پر گامزن رہتے ہیں۔

ان کا کہنا تھا کہ عیدالاضحیٰ کے موقع پر پوری پاکستانی قوم کو اس بات کا اعادہ کرنا چاہیے کہ ہم خود غرضی، لالچ اور حرص کے پیچھے بھاگنے کی بجائے اپنے اردگرد ضرورت مندوں اور بے سہارا لوگوں کی مدد کے لیے بھائی چارے، بے لوثی، محبت اور ہمدردی کے جذبے کو ابھاریں گے تاکہ ہم اس آزمائش کی گھڑی میں ایک مضبوط قوم بن کر ابھر سکیں۔

خیال رہے کہ صدر پاکستان ڈاکٹر عارف علوی نے اتوار کو صوبائی دارالحکومت کی طوبہ مسجد میں عید الاضحی کی نماز ادا کی اور عوام کے ساتھ ملک کی خوشحالی کے لیے دعا کی۔