کیا خالی پیٹ ٹماٹر کھانا صحت کے لئے فائدہ مند ہے؟ اس سے کیا فائدہ حاصل ہو سکتا ہے؟ آئیں جانتے ہیں۔

خالی پیٹ ٹماٹر کھانے کے فوائد:

1۔ ہڈیوں اور دانتوں کی صحت:

ٹماٹر میں موجود لائکو پین اور کیلشئیم ہڈیوں اور دانتوں کو مضبوط بناتا ہے، اس کی وجہ سے آپ ہڈیوں کی بیماریوں سے بچ جاتے ہیں۔ اسی لئے جب آپ خالی پیٹ ٹماٹر کسی بھی شکل میں کھاتے ہیں تو یہ زیادہ زود اثر رہتا ہے۔

2۔ وزن کم کرنے میں مددگار:

ٹماٹرکا جوس پینا یا خالی پیٹ ٹماٹر کھانا وزن کم کرنے میں اور چربی پگھلانے میں مدد کرتا ہے۔ اس کے ساتھ کیونکہ اس میں فائبر موجود ہے۔ جس کی وجہ سے پیٹ کے مسائل سے نجات مل جاتی ہے۔

3۔ شوگر میں مفید:

شوگر کے مریض بھی ٹماٹر سے فائدہ اٹھا سکتے ہیں۔ ٹماٹر میں موجود نارنگن نامی مرکب شوگر کے خلاف مزاحمت کی صلاحیت رکھتا ہے۔ جو خون میں گلوکوز کی سطح کو کم کرتا ہے۔

اس کے علاوہ اس میں موجود لائکوپین، بیٹا کیروٹین، پوٹاشیم، وٹامن سی، فلیوونائڈز، فولیٹ اور وٹامن ای شوگر کے خطرے کو کم کرتا ہے۔

4۔ کولیسٹرول کم کرتا ہے:

ٹماٹر میں موجود لائکو پین، وٹامن ای اور بیٹا کیروٹین کولیسٹرول گھٹانے میں مدد کرتا ہے اسے بڑھنے سے روکتا ہے۔

اس میں موجود اینٹی آکسیڈنٹس فری ریڈیکلز کے خلاف مزاحمت کرتے ہیں ۔ کولیسٹرول کی سطح کم رہتی ہے تو بلڈ پریشر بھی کنٹرول میں رہتا ہے۔