وفاقی وزیر داخلہ رانا ثناء اللہ کا کہنا ہے کہ ملک کی خوشحالی وخودمختاری کیلئے تجربہ کار ٹیم دن رات کام کررہی ہے۔

سماجی رابطے کی ویب سائٹ ٹوئٹر پر رانا ثناء اللہ نے دنیا بھر کے مسلمانوں بلخصوص پاکستان میں عيدالاضحىٰ منانے والوں کو مبارکباد دی ہے۔

ہم سنت ابراہیمی پرعمل پیرا ہوکر ہی معاشرے کے کمزورطبقوں کی مدد کرسکتے ہیں۔ وزیر داخلہ

دعاگو ہوں کہ اللّٰہ تعالیٰ سنت ابراہیمی کی پیروی کرنے کرنے والے مسلمانوں کے جذبہ قربانی کو قبول فرمائے۔

Advertisement

اللّٰہ تعالیٰ تمام مسلمان کی عبادات اور قربانیاں قبول فرمائے۔ وزیر داخلہ

— Rana SanaUllah Khan (@PresPMLNPunjab) July 10, 2022

صدر پاکستان مسلم لیگ (ن) پنجاب کا کہنا تھا کہ عید قربان کا اصل مفہوم ذاتی خواہشات پر اللہ کی منشا اور رضا کو من وعن تسلیم کرنا ہے۔

رانا ثناء اللہ نے کہا کہ ہم سنت ابراہیمی پرعمل پیرا ہوکر ہی معاشرے کے کمزورطبقوں کی مدد کرسکتے ہیں۔

انہوں نے کہا کہ دعاگو ہوں کہ اللّٰہ تعالیٰ سنت ابراہیمی کی پیروی کرنے کرنے والے مسلمانوں کے جذبہ قربانی کو قبول فرمائے اور تمام مسلمان کی عبادات اور قربانیاں قبول فرمائے۔

دوسری جانب وفاقی وزیر داخلہ نے فیصل آباد میں میڈیا سے گفتگو کرتے ہوئے کہا تھا کہ دہشتگردی کا مستقل خاتمہ، تجارتی تعلقات کو فروغ دینا چاہتے ہیں۔

رانا ثناء اللہ نے کہا کہ پاکستان دہشتگردی کے خلاف فرنٹ لائن اسٹیٹ، کمزور کرنے کی کوئی سازش کامیاب نہیں ہونے دیں گے۔

انہوں نے مزید کہا کہ ملک کی خوشحالی و خود مختاری کے لیے تجربہ کار ٹیم دن رات کام کررہی ہے۔ ہم آج ان کے معاہدے اور شرائط کا خمیازہ بھگت رہے ہیں۔