میانوالی؛ کار اور ڈمپر میں تصادم، 4 افراد جاں بحق

ویب ڈیسک

07th Jul, 2022. 02:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

میانوالی؛ کار اور ڈمپر میں تصادم، 4 افراد جاں بحق

میانوالی میں کار اور ڈمپر کے درمیان خطرناک تصادم ہوا ہے۔

تفصیلات کے مطابق یہ افسوسناک حادثہ میانوالی میں داودخیل سی پیک روڈ(موٹر وے ایم-14)پر پیش آیا ، جہاں کار اور ڈمپر کے درمیان ہونے والے تصادم سے 4 افراد جاں بحق جبکہ 2 زخمی ہوئے ہیں۔

ریسکیو حکام کا کہنا ہے کہ حادثہ کا شکار کار کوئٹہ سے راولپنڈی جا رہی تھی جبکہ حادثہ میں مجموعی طور پر4 افراد جاں بحق جبکہ دو زخمی ہوئے ہیں۔

ریسکیو حکام نے بتایا کہ ریسکیو 1122کی ٹیموں نے زخمی اور نعشوں کو ہسپتال منتقل کردیا ہے۔

ریسکیو حکام کا مزید کہنا تھا کہ ریسکیو ٹیمیں کو پہاڑی علاقے اور سگنل پرابلم کے سبب مشکلات درپیش ہیں۔

واضح رہے کہ ایک عالمی تحقیقاتی ادارے کے مطابق پاکستان میں ہلاکتوں کا باعث بننے والے پچاس عوامل اوربیماریوں میں ٹریفک حادثات پندرہویں نمبر پر ہیں۔

پاکستان میں ایڈز، ناقص خوراک، مرگی، تشدد کئی قسم کے سرطان اور خود کشیوں کی وجہ سے انفرادی طور پر ہونے والی اموات سے ٹریفک حادثات میں مرنے والے لوگوں کی تعداد زیادہ ہے۔

اس رپورٹ کے مطابق سب سے زیادہ ٹریفک حادثات موٹر سائیکل سواروں آٹو رکشا والوں اور موٹر کاروں اور وینز چلانے والوں کو پیش آئے اس کے بعد بسوں اور ٹرکوں کے حادثات رپورٹ ہوئے ہیں۔