شوگر جسے طب کی زبان میں ذیابیطس کہتے ہیں، خون میں گلوکوز کی مقدار کے ایک خاص مقدار سے زیادہ موجود ہونے سے جنم لینے والی کیفیّت کا نام ہے۔

شوگر کی بیماری پاکستان میں بہت تیزی کے ساتھ پھیل رہی ہے، جس کی دیگر بہت سی وجوہات کے ساتھ ساتھ خوراک کا صحیح استعمال نہ کرنا اور آرام طلبی بھی ہے۔

ہمیں چاہئیے کہ کھانا وقت پر کھائیں اور اپنی مصروف زندگی سے روزانہ کم ازکم تیس منٹ واک یا ورزش کے لیے ضرور نکالیں۔

شوگر کے علاج کے لیے خشک میووں کا استعمال بھی مفید ثابت ہوتا ہے۔

خشک میوہ جات میں جو چکنائی موجود ہوتی ہے وہ غیر سیر شدہ ہونے کی وجہ سے نالیوں میں نہیں جمتی اور ان میں پروٹین اور معدنیات کی ایسی اقسام مو جود ہوتی ہیں جو کسی کے بھی جسم میں موجود کولیسٹرول، سوزش اور انسولین سے مزاحمت کو کم کرتے ہیں۔

شوگر کیسے کنٹرول کی جائے؟

۱۔کالے بھنے ہوئے چنے۔ ایک پاؤ
۲۔بادام کی گری۔ 100 عدد
۳۔کالی مرچ۔ 50 دانے
۴۔چھوٹی الائچی۔ 50عدد
۵۔ نیم کے سوکھے پتے۔ 100 عدد

تمام چیزوں کو صاف کرکے ایک دو دن دھوپ میں سکھاکر گرائنڈر میں پیس کر ایک جار میں محفوظ کرلیں اور دن میں کسی بھی وقت آدھا چائے کا چمچہ سادہ پانی کے ساتھ استعمال کریں۔

اس حوالے سے اپنے ڈاکٹر سے بھی مشورہ کریں اور ان کی تجویز کر دہ ادویات جاری رکھیں۔