عیدالاضحیٰ کے موقع پر پاک فضائیہ کا عوام کے لئے آگاہی پیغام

ویب ڈیسک

10th Jul, 2022. 09:58 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عیدالاضحیٰ کے موقع پر پاک فضائیہ کا عوام کے لئے آگاہی پیغام

پاک فضائیہ کی جانب سے عیدالاضحیٰ کے موقع پر عوام کے لئے آگاہی پیغام جاری کیا گیا ہے۔

ترجمان کے مطابق پاک فضائیہ کے شعبہ تعلقات عامہ نے عیدالاضحی کے موقع پر فلائٹ سیفٹی سے متعلق آگاہی پیغام نشر کیا ہے جس میں عوام الناس کو قربانی کے جانوروں کی آلائشیں محفوظ طریقے سے تلف کرنے کی تلقین کی گئی ہے۔

پیغام میں اس امر کو اجاگر کیا گیا ہے کہ قربانی شدہ جانوروں کی باقیات کو پاک فضائیہ کے ائیر بیسز کے پاس پھینکنے سے پرندے ان کی جانب راغب ہوتے ہیں جو کہ طیاروں اور ہوابازوں کے لیے خطرے کا باعث بنتے ہیں۔

پیغام میں کہا گیا ہے کہ یہ پرندے طیاروں سے ٹکرا کر جہازوں کو تباہ کر سکتے ہیں جس کے نتیجے میں قیمتی جانوں اور املاک کو ناقابلِ تلافی نقصان پہنچنے کا امکان بڑھ جاتا ہے۔

پیغام میں عوام سے اپیل کی گئی ہے کہ قربانی شدہ جانوروں کی باقیات مخصوص کردہ جگہوں پر پھینکیں یا انہیں زمین میں دبا دیں اور اپنے اردگرد کے ماحول کی صفائی کو یقینی بنائیں۔