شیاؤمی موبائل کی انقلابی ایجاد میں بہت تیزی سے آگے بڑھ رہاہے اور اس کے اسمارٹ فونز نت نئے فیچر اور معیار کی بنا پر صارفین کا اعتماد حاصل کرنے میں کامیاب ہوگئے۔

شیاؤمی نے گزشتہ برس اپنا پہلا فولڈ ایبل فون می مکس فولڈ لانچ کیا تھا تاہم اب وہ اسی فون کا دسرا ورژن مکس فولڈ 2 کے نام سے اگلے ماہ یعنی اگست میں متعارف کرانے کا ارادہ رکھتا ہے اگر یہ بات درست ہوئی صارفین جلد ہی اس کا ٹیزر دیکھ سکیں گے یہ کہنا ہے ٹیپسٹر ویب سائٹ کا۔

شیاؤمی کے اس فون کی کچھ تفصیلات سامنے آئی ہیں جس کے مطابق اس فولڈ ایبل فون کے اندر کا ڈسپلے جو کھلنے بعد سامنے آئے گا وہ8.1  انچ وسیع ہوگا یہ 2000 ریزولوشن اور120 ہرٹز ریفریش ریٹ کے ساتھ  کے ایل ٹی پی او اولیڈ پینل ہوگا۔

اس کا بیرونی ڈسپلے بھی 120 ہرٹز ریفریش ریٹ کے ساتھ متوقع ہے۔

 شیاؤمی کے پہلے فولڈ ایبل فون کی نسبت اس کے یپینل کا ریشو  چوڑائی اور لمبائی میں قدرے مختلف ہے۔

شیاؤمی کے اس شاندار فون میں طاقت وراسنیپ ڈریگن 8 پلس جنریشن 1 کا چپ سیٹ استعمال کیا گیا ہے۔ جہاں تک ریم کاسوال ہے تو اس میں 16 جی بی ریم اور 1 ٹیرابائٹ کی اسٹوریج دی گئی ہے جوکہ حیرت انگیز طور پر بہت زیادہ ہے۔

رپورٹ  کے مطابق بیٹری کے بارے ابھی تک معلوم نہیں ہوسکا تاہم 67 واٹ کی تیز ترین چارجنگ سپورٹ دی جائے گی۔

صارفین اس بات سے بہت اچھی طرح واقف ہوں گے کہ اگست میں بہت ساری موبائل کمپنیاں اپنے بہترین اسمارٹ فونز لانچ کرنے جارہی ہیں، انہی میں شیاؤمی بھی شامل ہے اب دیکھنا یہ ہے کون سے موبائل فونز صارفین کی توجہ حاصل کرنے میں کامیاب ہوتے ہیں۔