پیٹرولیم مصنوعات اور اشیائے خوردونوش کی قیمتوں میں اضافے کے باعث برطانیہ میں افراطِ زر کی شرح ریکارڈ سطح پر پہنچ گئی ہے۔
برطانوی محکمہ شماریات کے مطابق جون 2022 میں برطانیہ میں مہنگائی کی شرح 9.4 فیصد تک پہنچ گئی جو چالیس برسوں میں سب سے زیادہ ہے۔
برطانیہ میں مئی کے دوران مہنگائی کی شرح 9.1 فیصد ریکارڈ ہوئی تھی کہ جو مارچ 1982 کے بعد سب سے زیادہ تھی۔
بینک آف انگلینڈ کے مطابق برطانیہ میں مسلسل نو ماہ سے مہنگائی کی شرح میں اضافہ ہورہا ہے اور توقع ہے کہ یہ شرح موسم خزاں تک گیارہ فیصد تک پہنچ جائے گی۔
جون میں بینک آف انگلینڈ کی جانب سے شرح سود کو ایک فیصد سے بڑھا کر 1.25 فیصد کردیا گیا تھا جو 13 سال میں سب سے بلند سطح ہے۔
Advertisement
ماہرین کو توقع ہے کہ مہنگائی کی شرح کو دیکھتے ہوئے اگست میں بینک آف انگلینڈ کی جانب سے شرح سود میں 0.25 یا 0.5 فیصد اضافہ کیا جاسکتا ہے۔
یاد رہے، روس یوکرین جنگ کے بعد دنیا بھر میں مہنگائی کی ایک لہر آئی کہ جس کے بعد بہت سے ملک دیوالیہ ہونے کے قریب پہنچ گئے۔ ایسے میں عالمی قوتیں بھی اس لہر سے شدید متاثر ہوئی ہیں۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
