وزیراعظم شہباز شریف نے کہا ہے کہ غریب طبقے کو مشکل معاشی حالات سے بچانا حکومت کی اولین ترجیح ہے۔

سماجی رابطے کی ویب سائت پر اپنے ایک پیغام میں وزیراعظم شہباز شریف نے وزیراعلیٰ حمزہ شہباز کے ریلیف پیکج کو سراہا ہے۔

پہلے دن سےغریب ترین طبقے کو مشکل معاشی حالات کے اثر سےبچانا ہماری اولین ترجیح رہی ہے۔وزیر اعلٰی پنجاب کا ماہانہ 100 یونٹس تک استعمال کرنے والےخاندانوں کے لیے بجلی کی مفت فراہمی کا اعلان نہایت خوش آئند ہے۔معاشی حالات بہتر ہوتے ساتھ ہی ہم آپ کو مزیدسہولیات فراہم کریں گے، انشاءاللّہ

— Shehbaz Sharif (@CMShehbaz) July 5, 2022

 وزیراعظم نے کہا کہ وزیر اعلٰی پنجاب کا ماہانہ 100 یونٹس تک استعمال کرنے والےخاندانوں کے لیے بجلی کی مفت فراہمی کا اعلان نہایت خوش آئند ہے۔

انہوں نے کہا کہ پہلے دن سےغریب ترین طبقے کو مشکل معاشی حالات کے اثر سےبچانا ہماری اولین ترجیح رہی ہے اور معاشی حالات بہتر ہوتے ساتھ ہی ہم عوام کو مزید سہولیات فراہم کریں گے۔

خیال رہے کہ گزشتہ روز وزیراعلیٰ پنجاب حمزہ شہباز نے پریس کانفرنس کرتے ہوئے کہا ہے کہ 100 یونٹ کے گھر یلوصارفین کو فری بجلی فراہم کریں گے، مفت بجلی منصوبے کیلئے100ارب روپے رکھے ہیں۔

انہوں نے کہا کہ 100 یونٹ گھریلو صارفین کا بوجھ پنجاب حکومت برداشت کرے گی، گزشتہ 6 ماہ سے 100 یونٹ استعمال کرنے والوں کو مفت بجلی دے رہے ہیں، اگست کے بلوں سے خرچہ پنجاب حکومت اٹھائے گی۔

حمزہ شہباز نے کہا ہے کہ ضرورت مند افراد کو سولر پینل مفت فراہم کریں گے، صحت کارڈ کو انصاف کارڈ بنا دیا گیا، آج غریب آدمی صحت کارڈ لے کر جاتا ہے تو دوائیاں نہیں ملتیں۔