آئندہ برس معتمرین کی تعداد ایک کروڑ تک ہوگی جس کے لیے مکہ مکرمہ اور مدینہ منورہ میں تیاریاں مکمل کر لی گئی ہیں۔
غیر ملکی میڈیا کے مطابق قومی کمیٹی برائے حج وعمرہ کے نائب سربراہ ہانی بن علی العمیری نے کہا کہ حج وعمرہ پرکام کرنے والے تمام ادارے اس ہدف کے حصول کے لیے مشترکہ کوششیں کر رہے ہیں۔ایک کروڑ افراد کی میزبانی کے لیے نیا نظام متعارف کرا رہے ہیں۔ عمرہ پیکیجز خریدنے کے لیے ویزا اور ماسٹر کارڈ کے علاوہ چند بینکوں کو بھی ذمہ داری تفویض کی گئی ہے۔
علاوہ ازیں، تمام غیر ملکی ایجنٹوں کو آن لائن سسٹم سے جوڑا جائے گا جس کے لیے بیرون ملک ایجنٹوں کو تیار کیا گیا ہے۔
اندرون ملک عمرہ زائرین کی خدمت کے لیے پانچ سو کمپنیاں کام کریں گی جن میں تربیت یافتہ افراد بھرتی ہیں جن کی تعداد دو ہزار سے زیادہ ہے۔
یاد رہے، وزارت حج و عمرہ کی نگرانی میں 34 پورٹل سے عمرہ پیکیجز اور خدمات متعارف ہوں گے۔معتمرین کی مقدس مقامات پر آمد و رفت کے لیے جدید بسوں کی سہولت فراہم کرنے کے لیے 68 کمپنیوں کے ساتھ معاہدہ ہوا ہے جب کہ مکہ مدینہ میں 1900 ہوٹلز بھی تعمیر کیے گئے ہیں۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
