وفاقی وزیر قانون اعظم نذیر تارڑ نے کہا ہے کہ عدلیہ کو جو اختیارات آئین نے دیے ہیں وہی رہیں گے۔

تفصیلات کے مطابق وفاقی وزیر قانون اعظم نذیر تارڑ نے میڈیا سے گفتگو کرتے ہوئے کہا ہے کہ عدلیہ کے جو اختیارات ہیں وہی رہیں گے۔

 اعظم نذیر تارڑ سے صحافی نے سوال کیا کہ پنجاب میں گورنر راج نافذ کرنے جا رہے ہیں؟ جس کے جواب میں انہوں نے کہا کہ ایسی کوئی بات نہیں، پنجاب میں وزراء کے داخلے روکے گئے تو یہ گورنر راج کا جواز بنائیں گے۔

انہوں نے کہا کہ آج کے اجلاس میں عدلیہ کے پارلیمنٹ میں مداخلت پر بات ہوگی، پارلیمانی پارٹی اپنے اختیارات کا آئینی طور پر تحفظ جانتی ہے۔

وفاقی وزیر قانون نے کہا کہ ریاستی اداروں پر کون حملہ آور ہورہا ہے، پچھلے دو دنوں میں جس ادارے نے جس ادارے پر حملہ کیا آپ کے سامنے ہے۔

واضح رہے کہ پریس کانفرنس کرتے ہوئے وفاقی وزیر رانا ثناء اللہ نے کہا تھا کہ وزارت داخلہ نے پنجاب میں گورنر راج لگانے کے لئے سمری تیار کرنا شروع کردی ہے۔

انہوں نے کہا تھا کہ پنجاب میں میرے داخلے پر پابندی عائد کی گئی تو یہ ہی گورنر راج کے نفاذ کی ایک بڑی وجہ ثابت ہوگی۔

انہوں نے مزید کہا تھا کہ آزاد اور غیرجانبدار عدلیہ ہر معاشرے کی ضرورت ہے ، اس کے بغیر ملک آگے نہیں بڑھ سکتا ہے اور عدلیہ کا احترام ہر معاشرے کیلئے لازمی ہے۔

رانا ثناء اللہ نے کہا تھا کہ سیاسی عدم استحکام کے باعث ڈالر مہنگا، اسٹاک مارکیٹ گر رہی ہے اور اس کی وجہ سے مہنگائی اور بےوزگاری بھی ہوگی۔

اس سے قبل وزیر داخلہ رانا ثناءاللہ نے ایف سی کے جوانوں کی پاسنگ آؤٹ پریڈ سے خطاب کرتے ہوئے کہا تھا کہ ایف سی کو فورس میں خواتین کو بھی شامل کیا جائے۔

انہوں نے کہا تھا کہ اس فورس کو امن اومان کے ساتھ امن دشمنوں کے خلاف آپریشن میں بھی مدد لی جانی چاہیے۔