وفاقی وزیر برائے منصوبہ بندی احسن اقبال نے کہا ہے کہ جب نفرت کا بیج بویا جائے تو اسے نکلنے میں کئی سال لگتے ہیں۔

تفصیلات کے مطابق وفاقی وزیر برائے منصوبہ بندی احسن اقبال نے پریس کانفرنس کرتے ہوئے کہا ہے کہ چند سال قبل پروپیگنڈے سے متاثر ایک نوجوان نے میری جان لینے کی کوشش کی، انتہا پسندی کے خاتمے کیلئے تدبیریں سوچتا ہوں۔

انہوں نے کہا کہ چند سال قبل ایک نوجوان نے میری جان لینے کی کوشش کی، جب نفرت کا بیج بویا جائے تو اسے نکلنے میں کئی سال لگتے ہیں، ہمیں معاشی مسائل کا سامنا ہے جنہیں ایک دو سال میں حل کیا جا سکتا ہے۔

احسن اقبال نے کہا ہے کہ معاشرے میں نفرت کے بیج بو دیے جائیں تو وہ نکالے نہیں جا سکتے، چند افراد نے خواتین اور بچوں کو آگے کر کے ہلڑ بازی کی، ہر طبقے نے اس واقعے کی مذمت کی ہے۔

وفاقی وزیر برائے منصوبہ بندی نے کہا کہ خواتین موجود ہونے کے باعث قانونی کارروائی کرنے سے گریز کیا ہے، اگر ہم نے ایسے رویوں کی حوصلہ شکنی نہ کی تو خانہ جنگی ہو سکتی ہے۔

انہوں نے کہا کہ میرے ساتھ کوئی سیکیورٹی گارڈ یا حمایتی ہوتا تو صورتحال گھمبیر ہو سکتی تھی، عمران خان کے حمایتیوں سے کہتا ہوں سوچیں  آپ کا لیڈر آپ سے کتنا مخلص ہے۔

   احسن اقبال نے کہا ہے کہ اگر عمران خان آپ سے اتنا مخلص ہوتا تو اس طرح کے کام کرنے پر نہ اکساتے، عمران خان پچھلے10سال سے کردار کشی کی مہم چلا رہے ہیں۔

 وفاقی وزیر برائے منصوبہ بندی نے کہا کہ عمران خان قیامت تک سڑکوں پر دھکے کھائے گا اقتدار میں نہیں آسکتا۔