لاہور کی مقامی عدالت نے خاتون پر کتے چھوڑنے والے ملزم کو 27 جولائی کو طلبی کا نوٹس جاری کردیا۔
تفصیلات کے مطابق عدالت نے پراسیکیوشن کے گواہوں اور ملزم سرفراز اقبال، محمد اقبال کو طلب کیا۔
جوڈیشل مجسٹریٹ زبیرصابر نے زبیدہ بی بی کی مدعیت میں درج مقدمہ کی سماعت کی جس میں غلہ منڈی ساہیوال پولیس کی جانب سے مقدمے کا چالان پیش کیا گیا۔
چالان میں ملزم سرفراز اقبال، محمد اقبال کو گہنگار قرار دیا گیا ہے۔
Advertisement
زبیدہ بی بی نے مؤقف اختیار کیا کہ ملزمان نے بولی (Bully) قسم کے کتے پال رکھے ہیں جنہیں محلے میں کھلا چھوڑ دیتے ہیں، خطرناک نسل کے کتوں کے کھلے عام گھومنے سے اہل علاقہ بھی پریشان ہیں۔
متاثرہ خاتون نے عدالت کے سامنے مؤقف اپنایا کہ ملزموں کو اپنے پالتو کتے باندھ کر رکھنے کا کہنے پرغصہ آیا اور مدعیہ کو کتوں سے کٹوایا گیا۔
چالان کے ساتھ مدعیہ زبیدہ بی بی کا میڈکولیگل سرٹیفکیٹ بھی لف کیا گیا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
