بچیوں کو جنسی زیادتی کے بعد قتل کرنے والا  ملزم گرفتار کرلیا گیا ہے۔

تفصیلات کے مطابق صوبائی دارالحکومت پشاور سے بچیوں کو جنسی زیادتی کے بعد قتل کرنے والا  ملزم گرفتارکرلیا گیا ہے۔

پولیس ذرائع کا کہنا ہے کہ ملزم کا تعلق سفید ڈھیری سے ہے جبکہ ملزم نے تینوں بچیوں کے ساتھ جنسی زیادتی کرنے کا اعتراف کیا۔

پولیس ذرائع نے بتایا کہ ملزم نے دو بچیوں کو زیادتی کا نشانہ بنانے کے بعد اسے قتل کرنے کا بھی اعتراف کیا ہے جبکہ ملزم کا ڈی این اے ٹیسٹ بھی بچیوں کے ساتھ میچ کرگیا ہے۔

پولیس ذرائع کا کہنا ہے کہ ملزم کی عمر 25 سے 30 سال تک ہے، ملزم صرف اپنی ہوس مٹانے کے لئے بچیوں کو زیادتی کا نشانہ بناتا رہا ہے۔

حالیہ رپورٹ کے مطابق یومیہ گیارہ بچے جنسی زیادتی کا نشانہ بن رہے ہیں، ماہرین نے اس امر پر افسوس کیا کہ جنسی استحصال کا شکار ہونے والے بچوں کی درست تعداد سرے سے دستیاب ہی نہیں کیونکہ سماجی شرم و حیا کی وجہ سے اکثر واقعات سامنے نہیں لائے جاتے جسکی وجہ سے مجرمان بھی سزا سے بچ جاتے ہیں۔

جائزہ رپورٹ کے مطابق جنسی زیادتی بچوں کے ذہنوں پر ایسے نفسیاتی زخم چھوڑتی ہے جس سے اِن کی شخصیت نہ صرف جارحانہ ہو جاتی ہے بلکہ وہ ذہنی تناؤ کا شکار ہو کر منشیات اور بعض اوقات خودکشی کا راستہ اپنانے پر مجبور ہو جاتے ہیں۔