پاکستان تحریک انصاف کے رہنما راجہ بشارت نے اسپیکر کے انتخاب اور ڈپٹی اسپیکر کے عدم اعتماد کی قرارداد جمع کرا دی ہے۔
تفصیلات کے مطابق ایوان نے کثرت رائے سے ڈپٹی اسپیکر کے خلاف تحریک اعتماد کی قرارداد منظور کرلی، راجہ بشارت نے اسپیکر کے انتخاب کے لیے قرارداد جمع کرا دی ہے۔
کل بروز جمعہ سہ پہر چار بجے اسپیکر کے انتخاب کا عمل ہوگا، کاغذات نامزدگی آج شب پانچ بجے تک جمع کرائے جا سکیں گے، کاغذات کی جانچ پڑتال آج شب پانچ بجکر دس منٹ پر ہوگی۔
پینل آف چیئرمین وسیم خان نے پنجاب اسمبلی کا اجلاس کل4 بجے تک ملتوی کردیا۔
پنجاب اسمبلی میں پرویز الٰہی کے قائد ایوان بننے کے بعد پی ٹی آئی کی جانب سے اسپیکر کے لیے سبطین خان اور ڈپٹی اسپیکر کے لیے واثق قیوم کا نام سامنے آیا ہے۔
Advertisement
واضح رہے کہ وزارت اعلیٰ کے منصب پر فائز ہونے سے قبل پرویز الٰہی اسمبلی میں اسپیکر کے فرائض انجام دے رہے تھے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
