ایک مشہور کہاوت ہے کہ کھاؤ من بھاتا پہنو جگ بھاتا، اور لوگوں کی بڑی تعداد اس بات سے اتفاق بھی کرتی ہے خوش لباسی ایک بہترین صفت ہے جو آپ کی شخصت کو متاثر کن بنانے میں اہم کردار ادا کرتی ہے یہی وجہ ہے کہ خواتین و حضرات کپڑوں کی خریداری کے معاملے میں کافی محتاط رویہ اختیار کرتے ہیں کم لیکن اچھے اور معیاری برانڈ کے کپڑے خریدتے ہیں۔

تاہم اچھے برانڈ کے ملبوسات پرٹیگ موجود ہوتے ہیں جن میں کپڑے کی دھلائی اور ان کی حفاظت کے طریقہ کار کو مخصوص علامات یا نشانیوں سے واضح کیا جاتا ہے۔

دنیا کی بڑی آبادی ملبوسات پر لگے ٹیگ کی علامات سے واقف نہیں ہے اس طرح معمولی سی غلطی ان مہنگے کپڑوں کونقصان پہنچا سکتی ہیں یہی وجہ ہے کہ آج یہاں پر ان علامات کے بارے تفصیل سے آگاہ کیا جارہا ہے تاکہ آپ ان کپڑوں کو دھونے، خشک کرنے، استری کرنے اور بلیچ کرنے بارے میں تفصیل سے جان سکیں۔

دھلائی کی علامات

کپڑوں کی دھلائی کے حوالے سے اس طرح کی علامات موجود ہوتی ہیں۔

مشین واش، نارمل

پانی کے درجہ حرارت کی کوئی پابندی نہیں اسے عام پانی سے دھویا جاسکتا ہے۔

مشین واش، مستقل پریس

اس کا مطلب کپڑوں کو مستقل پریس سائیکل میں دھونا ہے جس کا مقصد کپڑوں کی حفاظت کرنا ہے تاکہ یہ سلوٹیں پڑنے، رنگ اڑنے، سکڑنے اور کھیچنے سے محفوظ رہ سکیں۔

مشین واش، نازک

کپڑوں کو مشین کے سب سے کم طاقت والے چکر میں دھوئیں اس میں ریشم اور اون کے کپڑے شامل ہوتے ہیں ساتھ ہی ٹھنڈا پانی استعمال کریں

مشین واش، کم درجہ حرات 

ان کپڑوں کو ٹھنڈے پانی میں کم درجہ حرارت یعنی 30 ڈگری سینٹی گریڈ میں دھوئیں۔ اس طرح علامت میں نکتہ کے بجائے 30 بھی لکھا جاسکتا ہے۔

مشین واش، گرم

اس علامت کا مطلب کپڑوں کو گرم پانی میں دھونا ہے یعنی زیادہ سے زیادہ 40 ڈگری سینٹی گریڈ پر انہیں دھویا جاسکتا ہے۔ اس طرح اس کی علامت میں بھی دو نکتوں کے بجائے 40 لکھا جاسکتا ہے۔

مشین واش، گرم یا ٹھنڈا

اس کا مطلب ہے کہ کپڑوں کو ٹھنڈے پانی میں دھوئیں یا پھر گرم پانی جیسے زیادہ سے زیادہ پچاس ڈگری سینٹی گریڈ دھوئیں یہاں پر علامت میں تین یا پانچ نکتوں کے بجائے پچاس بھی لکھا جاسکتا ہے۔

ہاتھ سے دھونا

اس کا مطلب یہ ہے کہ کپڑے کو صابن اور گرم پانی سے ہاتھ سے دھوئیں اسے مشین میں دھونے سے گریز کریں۔

دھونا نہیں ہے

بعض کپڑے اس طرح تیار کئے جاتے ہیں کہ انہیں پانی سے دھویا نہیں جاسکتا، اسی لئے ان کی صفائی کے لئے ٹیگ پر موجود متبادل ذرائع کے بارے میں ضرور تحقیق کریں۔

خشک کرنے کی علامات

رسی پر سکھائیں

اس کا مطلب ہے کہ کپڑوں کو کسی کھلی جگہ پر رسی پرپھیلادیں۔

 چھاؤں میں سکھائیں

اسے بھی رسی بھی پرمگر چھاؤں میں پھلائیں اور دھوپ سے بچائیں۔

افقی انداز میں پھیلائیں

کپڑوں افقی سطح جیسے زمین پر یا سیدھی جگہ پر ہوا میں پھیلادیں۔ اس طرح اون سے بنے ملبوسات کھچنے سے محفوظ رہتے ہیں۔

ڈرپ ڈرائی

انہیں رسی پر بغیر کسی ترتیب کے پھیلادیں یہ شکنوں سے پاک ہوتے ہیں۔

ٹمبل ڈرائی یعنی درجہ حرارت کی پابندی نہیں

اسے مشین کے ڈرائیر میں کسی بھی درجہ حرارت میں خشک کریں۔

ٹمبل ڈرائی، کم درجہ حرارت

مشین میں کم درجہ حرارت یعنی 125 ہارن ہائیٹ میں خشک کریں۔

ٹمبل ڈرائی، درمیاںے درجہ حرارت

کپڑوں اور دیگر اشیاء کودرمیانے درجہ حرارت یعنی 135 فارن ہائیٹ میں خشک کریں۔

ٹمبل ڈرائی، زیادہ درجہ حرارت

ان کپڑوں کو مشین کے ڈرائیر میں زیادہ درجہ حرارت یعنی 150 فارن ہائیٹ میں خشک کریں۔

ٹمبل ڈرائی، بغیر درجہ حرارت

اسے مشین کے ڈرائیرمیں بغیر درجہ حرارت کے خشک کریں اسے ائیر فلف یا ائیر ڈرائیر بھی کہاجاتا ہے۔

کوشش کریں کپڑوں کو ڈرائیر میں خشک نہ کریں بلکہ انہیں ہوا میں پھیلا دیں اس طرح کپڑے زیادہ عرصے تک بہتر حالت میں رہے گے۔

ڈرائی کلین کی علامات

ڈرائی کلین

کپڑے کو مشین میں دھونے اور خشک کرنے کے بجائے ڈرائی کلین کریں۔

ڈرائی کلین، کم درجہ حرارت 

کپڑوں کو کم درجہ حرارت میں ڈرائی کلین کریں۔

ڈرائی کلین، بھاپ کا استعمال

اس طرح کے کپڑوں کو ڈرائی کلین کے بعد بھاپ کا استعمال نہیں کرنا چاہئے۔

ڈرائی کلین، مختصر چکر

اسے مختصر چکر میں پیشہ ورانہ ڈرائی کلین کیا جانا چاہئے۔

ڈرائی کلین، کم نمی

کپڑوں کو کمنمی والے چکر میں خشک اور صاف کیا جانا چاہئے۔

ڈرائی کلین نہ کریں

کپڑوں کو درائی کلین نہیںکرنا چاہئے صفائی کے لئے ٹیگ پر دی گئی ہدایات کو غور سے پڑھیں۔

یہ کپڑے دھونے کا ایک جدید طریقہ ہے لیکن اسے بھی زیادہ استعمال نہیں کرنا چاہئے۔

بلیچ کی علامات

بلیچ کا استعمال

شے پر بلیچ کا استعمال کیا جاسکتا ہے۔

کلورین سے پاک بلیچ

کپڑے پر کلورین سے پاک بلیچ استعمال کریں جو سوڈیم ہائپر کلورائیٹ کے بجائے ہائیڈروپر آکسائیڈ پر مشتمل ہوتا ہے۔

بلیچ نہ کریں

کپڑوں یا دوسرے آئٹم پر کسی بھی قسم کا بلیج استعمال نہ کریں۔

استری کرنے کی علامات

استری، کسی بھی درجہ حرارت

کپڑے کو کسی بھی درجہ حرارت پر استری کیا جاسکتا ہے۔

استری، کم درجہ حرارت

انہیں کم درجہ حرارت پریعنی 230 فارن ہائیٹ پر استری کریں۔

استری، درمیانے درجہ حرارت

کپڑوں کودرمیانے درجہ حرارت یعنی 300 ڈگری فارن ہائیٹ پر استری کیا جاسکتا ہے۔

استری، زیادہ درجہ حرارت

کپڑے یا آئٹم کو تیز درجہ حرات پر استری کیا جاسکتاہے۔

بھاپ کے بغیر استری

ان کپڑوں کو بھاپ سے کے بغیر استری کریں۔

استری نہ کریں

اس طرح کے کپڑوں کو استری نہیں کرنی چاہئے۔

یہاں ایک بات قابل ذکر ہے کہ کپڑوں پرلانڈری سے متعلق دی گئی علامتیں ان اشیاء کی دیکھ بھال کرنے میں ایک بہترین رہنما ثابت ہوسکتی ہیں جب آپ کسی مشین یاکپڑوں کے بارے میں میں مکمل معلومات رکھتے ہیں کہ انہیں کس طرح استعمال کرنا ہے تو ان کی حفاظت اور بھی آسان ہوجاتی ہیں۔اس طرح وہ اشیاء زیادہ عرصہ تک کار آمد رہتی ہیں۔