سندھ ہائی کورٹ نے سابق وزیرداخلہ سندھ منظوروسان کی ضمانت میں توسیع کردی۔

تفصیلات کے مطابق سندھ ہائی کورٹ میں آمدن سے زائد اثاثہ جات بنانے سے متعلق نیب انکوئری میں پیپلز پارٹی کے رہنما منظوروسان کی درخواست کی سماعت ہوئی۔

نیب کی جانب سے عدالت سے ایک بار پھر جواب کے لیے مہلت طلب کی گئی جس پر عدالت نے کہا کہ ایک عرصہ ہوگیا ہے، جواب جلد جمع کرائیں۔

ضمیرگھمروایڈووکیٹ نے عدالت کو بتایا کہ یہ تیسری بارمسلسل مہلت مانگی جا رہی ہے، ہر بار نیب یہی کر رہا ہے۔

ایڈووکیٹ ضمیر گھمرو نے مذید کہا کہ نیب کو آخری وارننگ دی جائے۔

نیب نے جواب دیا کہ انکوئری مکمل کرکے رپورٹ ہیڈ آفیس بھج دی ہے۔ ہیڈ آفیس کی جانب سے انکوئری پر اعتراضات لگائے گئے تھے۔

سندھ ہائی کورٹ نے نیب پراسیکیوٹرکو 5 اگست تک جواب جمع کرانے کا حکم دیتے ہوئے رہنما پیپلز پارٹی منظور وسان کی ضمانت میں توسیع کردی۔

ڈاکٹرعاصم حسین کی درخواست

دوسری جانب سندھ ہائی کورٹ نے نیب آرڈیننس میں ترمیم کے بعد ریفرنس احتساب عدالت سے منتقلی سے متعلق ڈاکٹرعاصم حسین کی فوری سماعت کی درخواست پر سماعت 9 اگست کو مقررکی۔

نیب کے پراسیکیوٹر نے عدالت کے سامنے مؤقف رکھا کہ ایک درخواست میں جواب جمع کراچکے ہیں دوسری درخواست میں جواب جمع کرانا ہے۔

سماعت کی تفصیل