کراچی میں مون سون بارشوں کا سلسلہ 29 جولائی تک جاری رہنے کا امکان ہے۔

محکمہ موسمیات نے بتایا کہ مون سون کہ شدید بارشوں کا باعث بننے والا کم دباؤ مغرب میں عمان کی طرف بڑھ گیا ہے جبکہ دوسرا مغربی راجستھان پر بننے والا کم دباؤ شمال مغربی راجستھان اور  شمال مشرقی سندھ پر موجود ہے۔

محکمہ موسمیات کے مطابق آئندہ 2 سے 3 روز کے دوران نواب شاہ خیرپور  سکھر لاڑکانہ  اور دیگر اضلاع میں گرج چمک کے ساتھ بارش کا سلسلہ جاری رہ سکتا ہے جبکہ کراچی سمیت بدین ٹھٹہ سجاول حیدرآباد اور دیگر علاقوں میں ہلکی  سے درمیانی بارش کا امکان ہے۔

محکمہ موسمیات کا کہنا تھا کہ کراچی میں 29 جولائی تک مطلع جزوی ابر آلود اور ہلکی بارش اوربوندا باندی کا امکان رہے گا جبکہ خضدار لسبیلہ حب اور کیرتھر رینج میں مسلسل شدید بارشوں  حب ڈیم پر دباؤ ڈال سکتی ہیں اور دادو اور جامشورو میں سیلابی ریلے کی آمد سیلابی صورتحال پیدا کرسکتی ہے۔

دوسری جانب محکمہ موسمیات کی جانب سے رواں ہفتے ملک بھر میں شدید بارشوں کی پیش گوئی کی گئی ہے جبکہاسلام آباد سمیت پنجاب، خیبر پختونخوا، بلوچستان میں مزید بارش کا امکان ہے۔

بعض علاقوں میں موسلادھار بارش۔راولپنڈی، فیصل آباد، گوجرانوالہ، لاہور، نوشہرہ، مردان میں اربن فلڈنگ کا خطرہ ہے۔

واضح رہے کہ مون سون کے آغاز 20 جون تا سے 26 جولائی تک سندھ میں بارشوں کے سبب مختلف حادثات میں  90 افراد جان کی بازی ہار گئے ہیں جس میں 39 مرد ، 45 بچے اور 5 خواتین جابحق ہوئے ہیں۔