عمران خان کا بیانیہ وطن کی محبت اور اداروں کی بالادستی پر مبنی ہے، وزیراعلیٰ پنجاب

ویب ڈیسک

28th Jul, 2022. 02:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان کا بیانیہ وطن کی محبت اور اداروں کی بالادستی پر مبنی ہے، وزیراعلیٰ پنجاب

وزیر اعلیٰ پنجاب چوہدری پرویزالٰہی نے کہا ہے کہ عمران خان کا بیانیہ وطن کی محبت اور اداروں کی بالادستی پر مبنی ہے۔

تفصیلات کے مطابق وزیر اعلیٰ پنجاب چوہدری پرویزالٰہی سے سابق اسپیکر قومی اسمبلی اسد قیصر کی ملاقات ہوئی ہے۔

ملاقات میں باہمی دلچسپی کے امور اور سیاسی صورتحال پر تبادلہ خیال کیا گیا جبکہ ایوب آفریدی بھی اس موقع پر موجود تھے۔

اسد قیصر اور ایوب آفریدی نے چوہدری پرویزالٰہی کو وزارت اعلی کا منصب سنبھالنے پر مبارکباد دی۔

وزیر اعلیٰ پنجاب چوہدری پرویزالٰہی کا کہنا تھا کہ پنجاب کے عوام عمران خان کے ساتھ کھڑے ہیں جبکہ پنجاب میں تحریک انصاف کی دوبارہ حکومت عمران خان کے بیانیہ کی فتح ہے۔

انہوں نے کہا کہ عمران خان کا بیانیہ وطن کی محبت اور اداروں کی بالادستی پر مبنی ہے، عمران خان نے ہر پاکستانی کو آزاد قوم کا شعور دیا ۔

وزیر اعلیٰ پنجاب کا مزید کہنا تھا کہ پنجاب میں ایک بار پھر تحریک انصاف کی حکومت عوام کو ڈلیور کر ے گی، صحت کارڈ، احساس پروگرام اور دیگر عوامی منصوبے تیزی سے آگے بڑھیں گے۔

دوسری جانب اسد قیصر کا کہنا تھا کہ آپ کی بہترین گورنس سے عوام کے مسائل حل ہونگے۔