امریکی ریاست کیلی فورنیا میں انتخابی امیدواروں کے لیے کرپٹوکرنسی کے حوالے سے اہم قانون سازی کی گئی ہے۔

نئی قانون سازی کے تحت ریاستی انتخابات لڑنے والے تمام امیدواراورمقامی دفاترانتخابی مہم کے لیے عطیات کی شکل میں کرپٹوکرنسی وصول کرنے کی مشروط اجازت دے دی گئی ہے۔

یہ بھی  پڑھیں: ماہرین کا بٹ کوائن اور ایتھیریم کے حوالے سے سنسنی خیز انکشاف

رپورٹ کے مطابق اس نئے قانون کا اطلاق اگلے 60 دن (دوماہ) کے لیے کیا گیا ہے۔ جب کہ اس مد میں ہونے والی تمام ڈیجیٹل ٹرانزیکشنزکا ریکارڈ رکھا جائے گا۔ تاہم، عطیات میں ملنے والی کرپٹوکرنسی کوفوراً ڈالرمیں تبدیل کرنا ضروری ہوگا۔

یہ بھی پڑھیں: پاکستانیوں کے پاس اربوں ڈالر مالیت کی کرپٹو کرنسی ہے

ٹیکنالوجی ویب سائٹ گیجٹس 360 کے مطابق کیلی فورنیا ان نوامریکی ریاستوں میں سے ایک ہے جہاں کرپٹوکرنسی کی خرید وفروخت پرپابندی عائد ہے۔

اس قانون کی منظوری فیئرپولیٹیکل پریکٹسزکمیشن کی جانب سے رائے شماری کے بعد دی گئی ہے۔ اس نئے قانون کے تحت عطیات میں وصول کیے گئے بٹ کوائن، ایتھیریم اوردیگرکرپٹوکرنسی کو فورا ڈالرمیں تبدیل کروانا لازمی ہے۔

وصول کنندگان کولازمی طورپراس ٹرانزیکشن کے لیے رجسٹرڈ کرپٹوکرنسی ایکسچینج بھی استعمال کرنا ہوگا جوہر عطیہ کنندہ کا نام، گھر کا پتہ، پیشہ اورملازمت کی تفصیلات کو اپنے پاس محفوظ کرے گا۔

یہ بھی پڑھیں: دنیا کا سب سے بڑا کرپٹو ایکسچینج مالی بحران کا شکار، ملازمین فارغ

یاد رہے کہ کرپٹو کرنسی کسی بھی بینکنگ نظام سے ماروا ہے اوراس میں ہونے والے لین دین کا دنیا کے کسی بینک میں کوئی ریکارڈ نہیں ہوتا، اس کے بجائے یہ اپنی خالق ٹیکنالوجی بلاک چین کے ذریعے ہرٹرانزیکشن کوڈیجیٹلی ریکارڈ کرتی ہے۔

یہ بھی پڑھیں: کرپٹو کوئین کا نام دنیا کے انتہائی مطلوب ملزمان کی فہرست میں شامل

فیئرپولیٹیکل پریکٹسزکمیشن کی جانب سے جاری رپورٹ کے مطابق کیلی فورنیا کے علاوہ بارہ ریاستوں بشمول واشنگٹن ڈی سی میں عطایت کے لیے کرپٹوکرنسی وصول کرنے کے لیے کسی نہ کسی شکل میں قانون سازی کی گئی ہے۔  جب کہ وفاقی دفاتر کے لیے مہم چلانے والے امیدواروں کو پہلے ہی اس کی اجازت دی جاچکی ہے۔

2022 کرپٹو کرنسی کریش ہونے کا سال !!!

کرپٹوکرنسی کی مارکیٹ پرنظررکھنے اوراس کی قدرکے بارے میں پیش گوئی کرنے والے تجزیہ کاروں نے نئے سال کے آغازپرہی پیش گوئی کردی تھی کہ 2022 بٹ کوائن کے کریش ہونے کا سال ہے۔

اس بابت ماہرین کا کہنا تھا کہ آنے والے مہینوں میں بٹ کوائن کی قدرمیں بہت بڑی کمی ہوگی جس کے اثرات دیگر ڈیجیٹل کرنسیوں پربھی مرتب ہوں گے۔

یہ بھی پڑھیں:بٹ کوائن کی قدر میں بدترین کمی، کرپٹو مارکیٹ میں کھلبلی

جب کہ وال اسٹریٹ کے تجزیہ کاروں کا اس بارے میں کہنا تھا کہ کرپٹوکرنسی لمحوں میں آسمان سے زمین پراورزمین سےآسمان پر جانےوالی متغیرکرنسی ہے۔ اورمستقبل میں اس کی قدرمیں مزید 20 فیصد تک کی کمی متوقع ہے۔ لیکن بٹ کوائن کی وجہ شہرت ہی اس کا عدم استحکام ہے۔

سوسیکس یونیورسٹی کی فنانس پروفیسرکیرول الیگزینڈرا کا کہنا تھا کہ 2022 میں بٹ کوائن کی قدرنہایت کم ہوکر10 ہزارڈالرفی کوائن تک پہنچ جائے گی۔ اور گزشتہ ڈیڑھ سال میں اس سے کمایا گیا سارا منافع ورچوئلی غائب ہوجائے گا۔

کیرول کا کہنا تھا کہ اگر میں ایک سرمایہ کارکی نظرسے سوچوں تومجھے 2022 میں بٹ کوائن کریش ہوتا نظر آرہا ہے۔ کیوں کہ اس کی کوئی بنیاد نہیں ہے اوراسے سرمایہ کاری میں ایک کھلونے کی طرح استعمال کیا جا رہا ہے۔

یونین بینک کے چیف ایکویٹی اسٹریٹیجسٹ ٹوڈ لوونسٹن کا کہنا تھا کہ بٹ کوائن کے پرائس چارٹ پرنظرڈالی جائے تو اس میں کئی ببلزدکھائی دیتے ہی۔

کرپٹوکرنسی کو سپورٹ دینے والے افراد اس بارے میں کہتے ہیں کہ اس وقت چیزیں مخلتف تھی اب اس مارکیٹ میں بڑے ادارے سرمایہ کاری کے لیے کود رہے ہیں۔  لیکن میرے خیال میں 2022 بٹ کوائن اور دیگر کرپٹو کرنسیوں کے کریش ہونے کا سال ہے۔