سیکرٹری جنرل پیپلز پارٹی سید نیر بخاری نے کہا ہے کہ پیپلز پارٹی آئین کے محور و مرکز پارلیمنٹ کی بالادستی پر یقین رکھتی ہے۔
تفصیلات کے مطابق پی ڈی ایم کے امیدوار حمزہ شہباز شریف کو دوبارہ وزیراعلی پنجاب منتخب ہونے پر سیکرٹری جنرل پیپلز پارٹی سید نیر بخاری نے مبارکباد دی ہے۔
انہوں نے کہا کہ وفاق سے نکالے گئے عمران خان پر پنجاب اسمبلی اراکین نے بھی عدم اعتماد کر دیا ہے جبکہ آصف زرداری نے ملکی تاریخ میں اتحادی جماعت کا دوبارہ وزیراعلی منتخب کرانے کا پہلا اور منفرد اعزاز حاصل کیا ہے۔
نیر بخاری کا کہنا تھا کہ آصف علی زرداری پارلیمانی جمہوری نظام کے تسلسل پر رہبر جمہوریت کہلانے کے حق دار ہیں جبکہ چوہدری شجاعت کے جمہوری کردار سے پنجاب میں غیر جمہوری سوچ کو شکست فاش ہوئی ہے۔
انہوں نے کہا کہ پارلیمنٹ میں ہارنے والا عمران خان سپریم کورٹ کے سہارے سے بھی محروم رہے گا۔
Advertisement
نیر بخاری کا مزید کہنا تھا کہ پیپلز پارٹی آئین کے محور و مرکز پارلیمنٹ کی بالادستی پر یقین رکھتی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
