اسلام آباد، راولپنڈی، سیالکوٹ، بالائی خیبرپختونخوا اور کشمیر سمیت ملک کے مختلف حصوں میں مون سون کی بارشیں وقفے وقفے سے جاری ہیں۔

محکمہ موسمیات کے ترجمان نے ہمارے نمائندے کو بتایا کہ بارشوں کا سلسلہ آئندہ بارہ سے چوبیس گھنٹوں کے دوران جاری رہے گا۔

انہوں نے کہا کہ اسلام آباد میں 72 ملی میٹر اور راولپنڈی میں 86 ملی میٹر بارش ریکارڈ کی گئی ہے۔

Advertisement

🔴#ISLAMABAD #UPDATES: Flash flooding like situation in capital city due to intense rain..#PakWeather pic.twitter.com/RHm3Ff8f4l

— PakWeather.com (@Pak_Weather) July 5, 2022

ریسکیو 1122 حکام کے مطابق راولپنڈی میں نالہ لیہ میں پانی کی سطح خطرناک حد تک پہنچ گئی ہے۔ کٹاریاں کے مقام پر اٹھارہ فٹ اور گوالمنڈی کے مقام پر چودہ فٹ سے اوپر بہہ رہا ہے۔

کمشنر راولپنڈی نور الامین مینگل نے بھی نالہ لیہ کا دورہ کیا اور کسی بھی ہنگامی صورتحال سے نمٹنے کے لیے وہاں کیے گئے انتظامات کا جائزہ لیا۔

دوسری جانب محکمہ موسمیات کا کہنا ہے کہ خلیج بنگال سے آنیوالا مون سون بارشوں کا سسٹم تاحال سندھ میں موجود ہے جس کی وجہ سے کراچی میں آج بھی گرج چمک کے ساتھ بارش کا امکان ہے۔

محکمہ موسمیات نے بتایا کہ بارشوں کا سلسلہ مزید چند روز تک جاری رہے گا۔

خیال رہے کہ  گزشتہ روز کراچی میں سب سے زیادہ بارش گلشن معمار میں 90 ملی میٹر ریکارڈ کی گئی ہے۔

🔴Total rainfall in #Karachi during last 24hrs. pic.twitter.com/hcmiaJcjWv

— PakWeather.com (@Pak_Weather) July 4, 2022