آج ہم آپ کو جامن اور اس کی گٹھلی کے فائدوں کے بارے میں بتائیں گے تاکہ اگلی بار آپ بھی انھیں پھینکنے کے بجائے ان کا بھرپور فائدہ اٹھا سکیں۔

جامن کی گٹھلی کا پاؤڈر اور اس کے فائدے

جامن کی گٹھلیاں سکھا لیں اور پھر گرائینڈر میں پیس کر ان کا پاؤڈر بنا لیں اور شیشی میں رکھ لیں۔

یہ پاؤڈر معدے کے امراض میں مفید ہے اس کے علاوہ ذیابیطس کے مریض بھی اس سے فائدہ حاصل کرسکتے ہیں۔

صبح شام ایک چائے کا چمچ اس پاؤڈر کو پانی کے ساتھ استعمال کرنے سے ذیابیطس بھی کنٹرول رہتی ہے اور معدہ بھی ٹھیک رہتا ہے۔

شوگر کے مریضوں کیلئے فائدے مند؟

جامن ایسا نایاب پھل ہے جو شوگر کے مرض میں بھی فائدہ مند ہے۔ جامن شوگر کی علامات جیسے پیاس کی شدت اور بار بار پیشاب کی حاجت کو کم کرتا ہے۔

چونکہ جامن میں Glycemic Index یعنی خون میں شکر بنانے والے عنصر کی شرح انتہائی کم ہے اس لیے جامن بلڈ شوگر نہیں بڑھاتا۔

جامن کے پتے اور چھال شوگر کی دوائیاں بنانے میں استعمال ہوتے ہیں۔

شوگر کے مریض ڈاکٹر کے مشورے سےجامن کا رس ہلکی کالی مرچ ڈال کر بھی پی سکتے ہیں۔

جسم اور کمر کا درد

جامن کی گٹھلی کا پاؤڈر اور جامن کے گودے کو ملا کر پیسٹ بنا کر فریج میں رکھ کر روزانہ استعمال سے جسمانی کمزوری دور ہوتی ہے اور اور کمر اور جسم کے درد میں آرام ملتا ہے۔

گلا خراب اور کھانسی

جن لوگوں کا گلا اکثر خراب رہتا ہے وہ بھی اس پھل سے فائدہ اٹھا سکتے ہیں۔

جامن کی گٹھلی کے پاؤڈر کو چھوٹی چھوٹی گولی بنا کر رکھ لیں اور شہد لگا کر چوسیں۔ مستقل یہ عمل کرنے سے گلے کی تکلیف میں واضح بہتری آئے گی۔

جامن بلڈ پریشر کے مریضوں کے لئے اچھا ہے

جامن اور کولیسٹرول اور بلڈ پریشر کی سطح کو کم کرنے میں مدد کرسکتے ہیں جو دل کی بیماریوں کے لیے ایک اہم خطرہ ہیں، ہائی بلڈ پریشر والے مریضوں کے لیے یہ پھل بہت مفید ہے۔

پیٹ کی تکلیف اور قبض

رسیلے جامن غذائیت سے بھرپور ہوتے ہیں۔ جامن فائبر کا بھرپور ذریعہ ہوتے ہیں اور یہ آپ کو پیٹ کے درد، تیزابیت، سینے کی جلن اور قبض جیسے مسائل سے نجات دلانے میں معاون ثابت ہوتے ہیں۔

جلد کو صاف شفاف اور روشن بنائے

جامن ہمارے خون کو صاف کرتا ہے اور ہمارے خون سے اُن بیکٹیریا کا خاتمہ کرتا ہے جن کے باعث ہماری جلد کو کیل مہاسوں جیسے مسائل کا سامنا کرنا پڑتا ہے۔

جامن جِلد کی خوبصورتی کے لیے بہت مفید ہے۔

 خون کی کمی کو دور کرتا ہے

جامن میں موجود وٹامن اے، سی اور آئرن، خون میں ہوموگلوبن یعنی سرخ خلیات کو بڑھاتا ہے۔ اس کے علاوہ جامن کھانے سے آکسیجن بھی بڑھتی ہے

دانتوں اور مسوڑوں کی حفاظت

جامن میں موجود اینٹی بیکٹیریل خواص دانتوں اور مسوڑوں کے انفیکشن کو کم کرنے میں مددگار ثابت ہوتے ہیں۔

جامن کے پتوں کو سکھا کر پیس کے ان کا پاؤڈر بھی بنایا جاتا ہے جو ٹوتھ پاؤڈر کی طرح استعمال کرنے سے منہ کی بدبو اور مسوڑوں سے خون آنے کی شکایت کو کم کرتا ہے۔