راناثناءاللہ نے کہا ہے کہ عام آدمی کی زندگی میں بہتری لانا وزیراعظم کی اولین ترجیح ہے۔

تفصیلات کے مطابق وزیرداخلہ راناثناءاللہ نے  ایک تقریب سے خطاب کرتے ہوئے کہا کہ وزیراعظم شہباز شریف نے اسلام آباد پولیس کی تنخواہیں پنجاب پولیس کے مساوی کرنے کا مطالبہ پورا کیا جس پر ہم وزیراعظم کا شکریہ ادا کرتے ہیں۔

انہوں نے کہا کہ اسلام آباد پولیس کی تنخواہیں پنجاب پولیس کے مساوی کرنے سے ایک ارب کا مالی اثر پڑے گا۔

راناثناءاللہ نے یہ بھی کہا کہ وفاقی پولیس کا مطالبہ تھا کہ ان کا اور اہلخانہ کے لئے ایک مخصوص ہسپتال ہونا چاہیے ، وزیراعظم نے اس منصوبے کے لئے 5ہزار ملین مختص کر دیئے ہیں اور اب جلد اس منصوبے کا وزیراعظم سنگ بنیاد رکھیں گے۔

وزیرداخلہ کا کہنا تھا کہ عام آدمی کی زندگی میں بہتری لانے کو وزیراعظم نے ہمیشہ اسے اپنی ترجیحی میں رکھا ہے۔

راناثناءاللہ کا یہ بھی کہنا تھا کہ سابق حکومت کو بیواؤں اور یتیموں کا خیال نہیں آیا، وزیراعظم شہباز شریف کی ہدایات پر پولیس کے شہداء اور دوران سروس جاں بحق ہونے والے لواحقین کو ایک ارب 22کروڑ روپے ادا کردیئے گئے ہیں۔

وزیرداخلہ راناثناءاللہ کا مزید کہنا تھا کہ عیدالاضحی کے بعد وزیراعظم 30 ارب لاگت سے کرال تا روات سگنل فری ایکسپریس وے کا سنگ بنیاد رکھیں گے۔