انسانی اسمگلنگ میں ملوث اسمگلر گرفتار

ویب ڈیسک

21st Jul, 2022. 01:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انسانی اسمگلنگ میں ملوث اسمگلر گرفتار

انسانی اسمگلنگ میں ملوث اسمگلر گرفتار کرلیا گیا ہے۔

تفسیلات کے مطابق ایف آئی اے انسداد انسانی اسمگلنگ سیل راولپنڈی کی جانب سے بڑی کارروائی کی گئی جس کے نتیجے میں تین مقدمات میں مطلوب چار سال سے روپوش اشتہاری ملزم مرزا گل انداز ولد برکت حسین راولپنڈی سے گرفتار کرلیا گیا ہے۔

ایف آئی اے حکام کا کہنا ہے کہ ملزم پر معصوم شہریوں کو دبئی میں ملازمت فراہم کرنے کی غرض سے 16,75000 کے فراڈ کا الزام ہے۔

ایف آئی اے حکام نے بتایا کہ ملزم کے خلاف سال 2018 میں مقدمات کا اندراج کیا گیا اور سال 2020 میں ملزم کو انسانی اسمگلرز کی ریڈ بک میں شامل کیا گیا تھا۔

ایف آئی اے حکام کا کہنا تھا کہ ملزم کی گرفتاری کے لیے متعدد بار کوشش کی گئی جبکہ ملزم شناختی کارڈ پر بتائے گئے پتے سے بھی فرار تھا۔

ایف آئی اے حکام نے بتایا کہ رجرم کے ارتکاب کے بعد ملزم کراچی روپوش ہو گیا تھا تاہم سرتوڑ کوششوں کے بعد آج ٹیم نے کامیاب ریڈ کرتے ہوئے ملزم کو اس کے رشتہ دار کے گھر سے گرفتار کر لیا۔

ایف آئی اے حکام نے مزید بتایا کہ ملزم کو تھانہ ایف آئی اے اسلام آباد منتقل کردیا گیا ہے۔