مولانا فضل الرحمان کی صحت کے حوالے سے جے یو آئی ترجمان کی وضاحت

ویب ڈیسک

02nd Jul, 2022. 11:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مولانا فضل الرحمان کی صحت کے حوالے سے جے یو آئی ترجمان کی وضاحت

جے یو آئی کے سربراہ مولانا فضل الرحمان کی صحت کے حوالے سے جے یو آئی ترجمان نے وضاحت جاری کردی۔

ترجمان جے یو آئی اسلم غوری نے اپنے ایک بیان میں کہا کہ مولانا فضل الرحمان طے شدہ شیڈول کے مطابق اسلام آباد سے لاہور کے نجی ہسپتال میں چیک اپ کے لئے گئے ہیں۔

انہوں نے کہا کہ ڈاکٹرز نے مولانا فضل الرحمان کو دو دن ہسپتال میں رہ کر تمام ٹیسٹ مکمل کروانے کا مشورہ دیا تھا، لاہور کے نجی ہسپتال میں وزیر اعظم میاں شہباز شریف مولانا فضل الرحمان سے ملاقات کے لئے تشریف لائے تھے۔

اسلم غوری کا کہنا تھا کہ وزیر اعظم نے ہسپتال عملے کو مولانا فضل الرحمان کو بہترین سہولیات کی ہدایت کی جس پر جے یو آئی سربراہ نے وزیر اعظم کے ہسپتال آمد پر شکریہ ادا کیا۔

ان کا یہ بھی کہنا تھا کہ غلط خبروں سے عوام الناس میں تشویش پیدا ہوئی ہے، میڈیا سے گذارش ہے کہ غیر مصدقہ خبریں چلانے سے گریز کریں۔

ترجمان جے یو آئی اسلم غوری کا مزید کہنا تھا کہ تمام سیاسی و سماجی رہنماؤں کے مشکور ہیں جنہوں نے مولانا فضل الرحمان کی صحت کے حوالے سے رابطے کئے، کارکنان اور عوام الناس اطمینان رکھیں، مولانا فضل الرحمان کی صحت بلکل ٹھیک ہے، معمول کا چک اپ ہے۔