ملک کو کرپشن کی دلدل سے نکالنے کیلئے قوم اٹھ کھڑی ہو، سراج الحق

ویب ڈیسک

10th Jul, 2022. 09:45 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک کو کرپشن کی دلدل سے نکالنے کیلئے قوم اٹھ کھڑی ہو، سراج الحق

امیر جماعت اسلامی سراج الحق کا کہنا ہے کہ ملک کو کرپشن کی دلدل سے نکالنے کیلئے قوم اٹھ کھڑی ہو۔

سراج الحق نے منصورہ میں عید کے بڑے اجتماع سے خطاب کرتے ہوئے کہا کہ قوم اور عالم اسلام کو عید مبارکباد ہو، غربا و مساکین اور بے سہارا لوگوں کو عید کی خوشیوں میں شریک کیا جائے۔

انہوں نے کہا کہ ملک و ملت معاشی بحران کا شکار ہے، حکمرانوں نے قوم کو مہنگائی، غربت، بدامنی اور انتشار کی آگ میں جھونک دیا، حکمرانوں نے آزادی چھین کر قوم کو امریکا اور آئی ایم ایف کا غلام بنایا۔

امیر جماعت اسلامی کا کہنا ہے کہ پی ڈی ایم اور پی ٹی آئی کی حکومتوں میں کوئی فرق نہیں، یہ ایک ہی کھوٹے سکے کے دو رخ اور امریکی غلاموں کے کلب ہیں۔

سراج الحق نے کہا کہ امریکا اور آئی ایم ایف کے غلاموں نے ملک پر ظالمانہ نظام مسلط کررکھا ہے، آج ملک میں ہر طرف مایوسی اور ناامیدی کے اندھیرے ہیں۔

انہوں نے مزید کہا کہ ملک وقوم کو دیانتدار اور مخلص قیادت صرف جماعت اسلامی دے سکتی ہے، عوام چوروں لٹیروں اور کرپٹ مافیا سے نجات کے لیے جماعت اسلامی کا ساتھ دے، ملک کو کرپشن کی دلدل سے نکالنے کیلئے قوم اٹھ کھڑی ہو۔