پنجاب کے 20صوبائی حلقوں میں ضمنی انتخابات کے سلسلے میں جاری انتخابی مہم کا آج آخری روز ہے جبکہ پولنگ 17جولائی کوہوگی۔

الیکشن کمیشن کے مطابق 20 صوبائی حلقوں میں 45 لاکھ 79 ہزار900 ووٹرز اپنا حق رائے دہی استعمال کریں گے جس میں میں مرد ووٹرز کی کل تعداد 24 لاکھ  60 ہزار 206  ہے۔

اسکے علاوہ خواتین ووٹرز کی تعداد 21 لاکھ 19 ہزار 994 ہے جبکہ کل 1703 پولنگ اسٹیشنز قائم کئے جائیں گے جس میں مردوں کیلئے 729 اور خواتین کیلئے 697 پولنگ اسٹیشنز قائم کئے جائیں گے۔

کل 9 ہزار599 پولنگ بوتھ قائم کئے جائیں گے۔

پنجاب میں ضمنی انتخابات کے لئے سیکیورٹی پلان تیار کرلیا گیا ہے جبکہ الیکشن کمیشن کی جانب سے وزارت داخلہ کو بھی معاونت کے لئے خط لکھ دیا گیا ہے۔

الیکشن کمیشن آف پاکستان نے پنجاب کے 20 حلقوں میں اتوار کو ہونے والے ضمنی انتخاب کے دوران کوئیک رسپانس فورس تعینات کرنے کے لیے وزارت داخلہ کو خط لکھ دیا۔

کمیشن نے وزارت سے کہا ہے کہ وہ لاہور کے چار اور خاص طور پر ملتان کے ایک حلقے میں پولنگ سٹیشنوں کے باہر کوئیک رسپانس فورس کی تعیناتی کو یقینی بنائے۔

اسی طرح سیکورٹی فورسز کو کسی بھی ناخوشگوار واقعے سے بچنے کے لیے دیگر تمام حلقوں میں الرٹ رہنے کو کہا گیا ہے۔