کراچی سے لاہور جاکر پسند کی شادی کرنے والی دعا زہرا کے کیس میں گزشتہ چند دنوں میں کافی نت نئے انکشافات دیکھنے کو ملے۔

عدالت کی کارروائیاں ہوئیں، دعا کی میڈیکل رپورٹس پیش کی گئیں جیسے جیسے وقت گزرتا گیا، یہ کیس بھی دعا زہرا کے والد مہدی علی کاظمی کے حق میں آنا شروع ہوا۔

اس کیس کے حوالے سے ہی پاکستان کے جانے مانے اینکر،  تفتیشی رپورٹراور سماجی کارک  سید اقرار الحسن نے اپنا نیا ویلاگ یوٹیوب پر اپ لوڈ کیا جس میں انہوں نے واضح طور پر یہ کہا کہ پولیس جلد ظہیر اور اس کے گینگ کو گرفتار کر کے دعا کو بازیاب کروا کر اس کے والدین کے پاس پہنچا دے گی۔

اقرار الحسن نے کہا کہ اللہ کی ذات جب کسی کے لیے راستے کھولنا چاہتی ہے تو آپ کو وسیلہ اور ذریعہ بنا دیتی ہے۔

یہ بھی پڑھیں: گھر واپس آ جاؤ، چھوٹی بہن کا دعا زہرا کیلئےسسکیوں بھرا ویڈیو پیغام

انہوں نے بتایاکہ ہماری خواہش یہ تھی کہ اس عید پر ہم دعا زہرا کو ان کے والدین سے ملوا سکیں، میں نے دعا کے والدین سے رابطہ کیا اور ظہیر اور اس کے گینگ سے بھی رابطہ کیا کہ بیٹی اور ماں باپ کی ملاقات کروا دیتے ہیں اور تمام تر سیکیورٹی کی ذمہ دار ہم اپنے ذمہ لیں گے مگر انہوں نے خود اس ملاقات سے اور مجھے انٹرویو دینے سے انکار کردیا۔

سید اقرار الحسن نے کہا کہ ہمارے اس کیس پر پہلی بار بات کرنے کےصرف چار دن بعد پولیس نے اسی کیس پر مزید کام کرتے ہوئے اپنی پراگریس رپورٹ میں اس بات کا انکشاف کیا کہ ظہیر اس دن کراچی میں ہی موجود تھا جب دعا زہرا اپنے گھر سے نکلی تھی۔

اقرار الحسن نے مزید بتایا کہ جب دعا لاہور جانے کے لیے گھر سے نکلی تھی تب اس کے پاس کوئی سم یا موبائل موجود نہیں تھا تو یہ سب جھوٹ بولنے کی کیا ضرورت پیش آئی، کہ دعا اپنی مرضی سے اس شادی کے لیے بھاگی ہے۔