جمعتہ المبارک کے موقع پر مرکزی مساجد پر انتہائی الرٹ سیکیورٹی اقدامات کویقینی بنایا جائے، آئی جی سندھ

ویب ڈیسک

01st Jul, 2022. 10:06 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جمعتہ المبارک کے موقع پر مرکزی مساجد پر انتہائی الرٹ سیکیورٹی اقدامات کویقینی بنایا جائے، آئی جی سندھ

آئی جی سندھ غلام نبی میمن نے کہا ہے کہ جمعتہ المبارک کے موقع پر مرکزی مساجد پر انتہائی الرٹ سیکیورٹی اقدامات کویقینی بنایا جائے۔

جاری کردہ پریس رلیز کے مطابق جمعتہ المبارک کے موقع پر مرکزی مساجد،امام بارگاہوں ودیگر کھلے مقامات پر انتہائی الرٹ سیکیورٹی اقدامات کویقینی بنانے کی ہدایت کی گئی ہے۔

آئی جی سندھ غلام نبی میمن کا کہنا ہے کہ نماز جمعہ کے تمام اجتماعات کے موقع پر شہریوں کے تحظ کے لیے تھانہ جات کی سطح پر مربوط اور مؤثراقدامات کو یقینی بنایا جائے۔

غلام نبی میمن نے کہا کہ تمام ایس ایچ اوز علاقوں میں اپنی موجودگی کے تحت پیٹرولنگ،اسنیپ چیکنگ،پکٹنگ کےعمل کو مذید سخت بنائیں۔

آئی جی سندھ کا کہنا تھا کہ تمام حساس واہم تنصیبات،پبلک مقامات، سرکاری ونجی اہم عمارتوں، وغیرہ پر سیکیورٹی ہائی الرٹ رکھی جائے۔

آئی جی سندھ نے کہا کہ داخلی وخارجی راستوں پر نگرانی وناکہ بندی کے تحت سرچنگ کے عمل کو مربوط اور مؤثر بنایا جائے اور ایڈوانس انٹیلی جینس کلیکشن و شیئرنگ کے عمل کوتھانوں کی سطح پر مذید مضبوط اور غیرمعمولی بنایا جائے۔

آئی جی سندھ کا مزید کہنا تھا کہ سیکیورٹی اقدامات پر عمل درآمد کے حوالے سے کوئی بھی لاپروائی ناقابل برداشت ہوگی۔