آرٹیکلز
-
پشاورہائی کورٹ کا چڑیا گھرسے دو ماہ میں جھولے ہٹانے کا حکم
-
صحیح سمت کیلیے مساوی تعاون ناگزیر ہے، شہباز شریف کا ریاض میں کانفرنس سے خطاب
-
وزیراعظم اور سعودی ولی عہد کی ملاقات، پاک سعودی اقتصادی تعاون کے نئے فریم ورک پر اتفاق
-
وزیراعظم آزاد کشمیر کو مستعفی ہونے کا پیغام، پیپلز پارٹی نے آج کی مہلت دے دی
Advertisement
پشاورہائی کورٹ نے ٹھیکے دارکوچڑیا گھرسے دو مہینے میں جھولے ہٹانے کا حکم دے دیا۔
تفصیلات کے مطابق پشاورہائیکورٹ میں چڑیا گھر سے جھولے ہٹانے کے لئے ٹھیکہ دار کی درخواست کی سماعت ہوئی۔
وکیل درخواست گزار تیمور علی شاہ ایڈوکیٹ نے مؤقف پیش کیا کہ چڑیا گھر میں ہم نے 4 ملین روپے سے زائد کے جھولے لگائے۔ ہم جھولے ہٹارہے ہیں انتظامیہ نے ایک مہینے کا ٹائم دیا ہے یہ ناکافی ہے مزید وقت دیا جائے۔
ڈپٹی ڈائریکٹرچڑیا گھر حسینہ نے کہا کہ عدالت نے مارچ 2021 میں چڑیا گھر سے جھولے ہٹانے کا حکم دیا۔ ہم نے ان کو ایک مہینے کا ٹائم دیا لیکن ابھی تک انھوں نے جھولے نہیں ہٹائے۔
ڈپٹی ڈائریکٹر چڑیا گھر حسینہ نے یہ بھی عدالت سے کہا کہ بار بار ہم ان کو نوٹس دے رہے ہیں یہ کام شروع کرتے ہیں پھرچھوڑ دیتے ہیں۔
Advertisement
چیف جسٹس قیصر رشید خان نے کیس میں ریمارکس دیتے ہوئے کہا کہ جانوروں کو چڑیا گھر میں قید کررکھا ہے ان کو مزید پریشان نہیں کرنا چاہیئے۔ جھولوں کے شور کی وجہ سے جانورپریشان ہوتے ہیں اس وجہ سے عدالت نے ان کو ہٹانے کا حکم دیا۔
چیف جسٹس پشاور ہائی کورٹ نے کہا کہ جانوروں کا خیال رکھنا ضروری ہے۔
پشاورہائی کورٹ نے ٹھیکدارکو دو مہینے میں جھولے ہٹانے کا حکم دیتے ہوئے کہا کہ دو مہینے کا ٹائم دیتے ہیں آپ جھولوں کو ہٹائیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
