بھارت، مرکزی بینک نے کرپٹو کرنسی پر پابندی کی خواہش کا اظہار کردیا

ویب ڈیسک

18th Jul, 2022. 10:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارت، مرکزی بینک نے کرپٹو کرنسی پر پابندی کی خواہش کا اظہار کردیا

بھارت کے مرکزی بینک نے کرپٹو کرنسی پر پابندی لگانے کی خواہش کا اظہار کردیا ہے۔

بھارتی وزیر خزانہ نرملا سیتارامن نے پارلیمان کو بتایا کہ ریزرو بینک آف انڈیا نے ملک کے مالیاتی استحکام پر کرپٹو کرنسی کے نقصان دہ اثرات پر خدشات کا اظہار کیا ہے اور اس شعبے کے لیے قانون سازی کا مشورہ دیا ہے۔

ان کا کہنا تھا کہ مرکزی بینک کرپٹو کرنسی پر مکمل پابندی لگانا چاہتا ہے۔کرپٹو کرنسی پر پابندی کے لیے قانون سازی کے لیے بین الاقوامی تعاون کی ضرورت ہوگی۔

ان کا مزید کہنا تھا کہ ڈیجیٹل کرنسی کی کوئی سرحد نہیں ہوتی اور اس کی روک تھام کے لیے بین الاقوامی شراکت داری کی ضرورت ہے۔ اس کے بغیر کسی قسم کی پابندی یا قوانین مؤثر ثابت نہیں ہوں گے۔

واضح رہے، جی 20 ممالک کے فنانشنل اسٹیبلیٹی بورڈ نے جولائی کے اوائل میں کہا تھا کہ اس کی جانب سے اکتوبر 2022 میں کرپٹو کرنسی کے حوالے سے عالمی قوانین کو تجویز کیا جائے گا۔

بھارت میں پہلے ہی کرپٹو کرنسی کی لین دین پر ٹیکسوں کا نفاذ کیا جاچکا ہے جس کے بعد کوائن بیس نے اپنی سروس بھارت میں معطل کردی تھی۔

اسی طرح ٹیکسوں کے نفاذ کے بعد بھارت میں کرپٹو کرنسی کے حجم میں حالیہ مہینوں میں نمایاں کمی دیکھنے میں آئی۔

انٹرنیٹ اینڈ موبائل ایسوسی ایشن انڈیا نے گزشتہ دنوں کرپٹو کرنسی کی حمایت کی تھی۔

Catch all the Business News, Breaking News Event and Latest News Updates on The BOL News

Download The BOL News App to get the Daily News Update & Live News