نیم کا استعمال صدیوں سے ہوتا آرہا ہے۔ اس درخت کا ہر حصہ اپنے اندر حیران کن افادیت رکھتا ہے ۔ مگر جلد کی حفاظت میں اس کا کوئی ثانی نہیں۔ یہاں اس کے چند چونکہ دینے والے فائدے پیش کئے جارہیں ہیں۔

جلد کے تمام مسائل کا ایک حل

چکنی جلد کے لئے اس کا استعمال جلد کو نارمل رکھتا ہے ۔ اور جلد پر دانوں سے پڑنے والے نشانات کو ختم کرنے میں اہم کردار ادا کرتا ہے۔ چھائیوں کو ختم کر کے ایک جلد کو ٹون میں لے کر آتا ہے۔اگر کسی وجہ سے جلن ہو رہی ہو تو اس کو ختم کردیتا ہے۔

ایک مٹھی نیم کے پتے کے کر اسے ایک کپ پانی ابال لیں اور ٹھنڈا ہونے پر چہرے پر بطور ٹونر استعمال کریں۔ یہ جلد پرموجود بلیک ہیڈز اور وائٹ ہیڈز کو صاف کر کے جلد کو رونق دے گا۔

 کھلے مسامات اور دھوپ سے جھلسی ہوئی جلد کے لئے نیم کے پتوں کا پیسٹ بنالیں اور اس میں اک چمچ شہد اور چٹکی بھر ہلدی شامل کر کے چہرے پر لگائیں اور خود رزلٹ دیکھیں۔

خشک جلد کے لئے نیم اور بادام کا تیل ملا کر لگائیں اور 20منٹ بعد دھو لیں ۔ اس سے جلد میں قدرتی چمک پیدا ہوگی۔

بالوں کی افزائش بڑھا ئے

اس میں شامل اجزاء بالوں کی افزائش میں نمایاں کردار ادا کرتے ہیں۔ اس کے تیل کی مالش کرنے سے سر میں خشکی اورسکری کاخاتمہ ہوتا ہے اور بالوں کی جڑیں مضبوط ہوتی ہیں۔بالوں کا گرنا بند ہو جاتا ہے۔