اسمارٹ فون کی دنیا میں موٹرلا کا نام کسی تعرف کا محتاج نہیں یہ کمپنی اب تک کئی شاندار فون پیش کر چکی ہے۔ اب اس نے موٹو ایج 2022 متعارف کرانے کا عندیہ دیا ہے واضح رہے کہ یہ فون ایج سیریزکا تیسرا فون ہے جس کا کوڈ نیم دبئی پلس ہے۔ اس سے قبل ایج اورایج 2021 متعارف کئے جاچکے ہیں۔

موٹرولا کے اس شاندار فون کی کچھ تفصیلات لیک ہوئی ہے تاہم اس کے لانچ کی حتمی تاریخ ابھی سامنے نہیں آئی ہے۔

موٹرولا کا ایج 2022 میں جہاں تک اسکرین کا سوال تو یہ 6.5 انچ پی اولیڈ ڈسپلے ایف ایچ ڈی پلس ریزولوشن اور 144 ہرٹز کا ریفریش ریٹ کے ساتھ پیش کیا جائے گا۔

تقریباً تمام ہی اسمارٹ فون کی طرح اس کے بھی بیک پر تین کیمروں کا سیٹ اپ دیا گیا ہے جس کا مین کیمرا موڈیول او آئی ایس کےساتھ 50 میگا پکسل کا، 13 میگا پکسل کا الٹراوائیڈ اور 2 میگا پکسل کا ڈیپتھ سینسر کے ساتھ دستیاب ہوگا جبکہ سامنے کی جانب 32 میگا پکسل کا سیلفی کیمرا ہوگا۔

افواہیں کہ اس میں میڈیا ٹیک ایم ٹی 6879 کا پروسیسر استعمال کیا گیا ہے۔

ایج 2022 میں 6 اور8  جی بی ریم 128 اور256 جی بی اسٹوریج موجود ہوگی۔

اس فون کے اہم ترین فیچرمیں بڑی بیٹری کا موجود ہونا ہے اس میں حیرت انگیز طور پر 6000 ایم ایچ اے کی بیٹری تیز ترین چارجنگ سپورٹ کے ساتھ دستیاب ہوگی تاہم چارجنگ کتنے واٹ کی فراہم کی جائے گی اور قیمت کیا ہوگی اس بارے میں تفصیلات سامنے نہیں آئی ہیں۔