پی ٹی آئی کا شہر قائد کے لئے ایمرجنسی رین ریلیف فنڈز ریلیز کیے جانے کا مطالبہ

ویب ڈیسک

01st Aug, 2022. 03:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ٹی آئی کا شہر قائد کے لئے ایمرجنسی رین ریلیف فنڈز ریلیز کیے جانے کا مطالبہ

پاکستان تحریک انصاف کی جانب سے شہر قائد کے لئے فوری طور پر ایمرجنسی رین ریلیف فنڈز ریلیز کیے جانے کا مطالبہ کیا گیا ہے۔

پی ٹی آئی رہنما فردوس شمیم نقوی نے کہا ہے کہ شہر کے حالات اس وقت جوں کے توں ہیں، گلی گلی محلہ محلہ تعفن ہے، مچھروں کی بھرمار موجود ہے جبکہ بہت سے مقامات پر پانی موجود ہے ۔

انہوں نے کہا ہے کہ سندھ کے دیگر اضلاع میں بھی صورتحال خراب ہے، لوگ بھوکے سو رہے ہیں اور ان کا کوئی والی وارث نہیں ہے ۔

انہوں نے مزید کہا کہ اس وقت مشینری لگانے کی ضرورت ہے اور اگر حکومت کے پاس مشینری موجود نہیں تو وہ ٹھیکہ دیں اور شہر میں لوگوں کو ریلیف فراہم کیا جائے۔

فردوس شمیم نقوی نے کہا کہ ایک ویب پیج بنایا جائے جہاں لوگ اپنے علاقے کی خراب صورتحال کی تصویریں لگائے اور پھر اس کو حل کیا جائے۔

ان کا کہنا تھا کہ ماضی میں جلوس کے راستوں پر فوری توجہ دی جاتی تھی لیکن اب لگتا ہے محرم کے مقدس مہینے کا بھی ان پر کوئی اثر نہیں ہے ۔

اس موقع پر پی ٹی آئی کے سعید آفریدی نے کہا کہ اس شہر میں پلاننگ نام کی کوئی چیز ہی نہیں ہے ، تمام شہری اذیت کا شکار ہیں ۔